ଗାଇ ଗଛ ଖାଇବାକୁ ନେଇ ଦୁଇ ପରିବାର ମଧ୍ୟରେ ମାରପିଟ, ଜଣେ ଗୁରୁତର

 ବେଗୁନିଆ---- ବେଗୁନିଆ ବ୍ଲକ ଅନ୍ତର୍ଗତ ପଙ୍ଗାରସିଂହ ଗ୍ରାମରେ  ଗାଇ ବାନ୍ଧିବାକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟି ଜଣେ ଗୁରୁତର ଭାବେ ଆହତ ହୋଇ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବାର ଜଣା ପଡିଛି ।    ରହିମ ଖାଁଙ୍କ ବାଡିରେ ପଡୋଶୀ  ବୁଲୁ ଖାଁ  ଗାଇ ବାନ୍ଧି ଆସୁଥିଲେ । ଗାଇଟି ବାଡିରେ ପଶି  ଲଗାଇଥିବା ଗଛପତ୍ର ନଷ୍ଟ କରିଦେବା ଯୋଗୁଁ   ରହିମ ଏହି ଘଟଣା ବିଷୟରେ  ବୁଲୁଙ୍କୁ ଜଣାଇଥିଲେ । ବୁଲୁ ନ ଶୁଣିବାରୁ  ରହିମ ଗ୍ରାମର ଭଦ୍ରବ୍ୟକ୍ତିଙ୍କ ନିକଟରେ ଅଭିଯୋଗ କରିଥିଲେ । ଗତକାଲି  ଭଦ୍ରବ୍ୟକ୍ତିଙ୍କ ଉପସ୍ଥିତିରେ  ଉଭୟପକ୍ଷଙ୍କ  ଏହି ଘଟଣାକୁ  ନେଇ ଯୁକ୍ତତର୍କ ଚାଲିଥିଲା । ଏଥିରେ ଉତକ୍ଷିପ୍ତ ହୋଇ ବୁଲୁ ଖାଁଙ୍କ ସମେତ ହବିବୁଲା ଖାଁ ,ସଫି ଖାଁ,ସମିଉଲ୍ଲା ଖାଁ  ଓ  ଟିକୁ ଖାଁ  ସଭାରୁ ଉଠି ରହିମ ଖାଁଙ୍କୁ ମାଡମାରି ତଳେ ପକାଇ ରକ୍ତାକ୍ତ କରିଦେଇଥିଲେ । ରକ୍ତାକ୍ତ ଅବସ୍ଥାରେ ରହିମଙ୍କୁ ୧୦୮ ଆମ୍ବୁଲାନସ ଯୋଗେ  ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ  ଚିକିତ୍ସା ପାଇଁ  ନିଆଯାଇଥିଲା । ଏ ନେଇ ବାଘମାରୀ ଥାନା ପୋଲିସ ନିକଟରେ ରହିମ ଖାଁ ଅଭିଯୋଗ କରିଛି   ।ଅଭିଯୋଗକୁ ଭିତ୍ତିକରି    ୭୦/୧୯ରେ କେସ ରୁଜୁ କରି ଘଟଣାର ତଦନ୍ତ ଜାରି ରହିଛି  ।
 ବେଗୁନିଆରୁ ଯୋଗେଶ୍ୱର ପଣ୍ଡା