ସାକ୍ଷୀଗୋପାଳ------ ପାଣିପାଗ ସୁତ୍ରରୁ ଶୀତ ବଡିବ ଏବଂ କୋହାଲା ପାଗ ଲାଗି ରହିବ ବୋଲି ଘୋଷଣା କରିଛି । ଶୁକ୍ରବାର ଆକାଶ ମେଘୁଆଛନ୍ନ ରହିବା ସହ ମଝିରେ ମଝିରେ ଝିପି ଝିପି ବର୍ଷା ହୋଇଛି । ଶନିବାର ଖରା ପାଗ ଥିଲେ ମଧ୍ୟ କୋହାଲ ପବନ ବୋହିବା ଯୋଗୁ ସତ୍ୟବାଦୀ ଅଞ୍ଚଳରେ ଚାଷୀ ମାନେ ଏବେ ଚିନ୍ତାରେ । ଏପରିକି ଅନେକ ଚାଷୀଙ୍କର ଗହରିରେ ଧାନ ବିଲରେ ରହିଛି । କେତକ ଚାଷୀ ମାନେ ଟ୍ରାକ୍ଟଟର ଲୋକ ଲଗାଇ ବିଲରୁ ଧାନ ଆଣି ବାରିରେ ଗଦା ମାରୁଛନ୍ତି । ସେହିପରି କେତକ ଚାଷୀ ମାନେ ନିଜ ନିଜର ପିଲା ଛୁଆଙ୍କୁ ଧରି ମୁଣ୍ଡରେ ଧାନ କଳେଇ ବୋହୁ ଥିବା ଦେଖାଯାଇଥିଲା । ସେହିପରି କେତକ ଚାଷୀ ମାନେ ନିଜ ଘର ଠାରୁ ବିଲ ଅଧିକ ଦୂରରେ ହୋଇଥିବାରୁ ସେମାନେ ଧାନ କଳେଇ ନ ଆଣି ପଲିଥିନି ଧାନ ଗଦା ଘୋଡାଉଥିବା ଦେଖାଯାଇଛି । ଅନପକ୍ଷେ ବାତ୍ୟାରେ ଗୁହାଳ ଗୁଡିକ ଭାଙ୍ଗିଯାଇଛି । ଏ ପର୍ଯ୍ୟନ୍ତ ଲୋକମାନେ ଗୁହାଳ ତିଆରି କରିନାହାନ୍ତି । ଗାଇ ଗୋରୁ ମାନେ ସେବେଠାରୁ ପଦାରେ ପଡିଛନ୍ତି । କୋହାଲା ପାଗ ସାଙ୍ଗକୁ ଝିପି ଝିପି ବର୍ଷା ଯୋଗୁ ବୁଡାବୁଢ଼ି ମାନେ ଶୀତବସ୍ତ ଖୋଜିବା ଆରମ୍ଭ କରିଛନ୍ତି । ବଜାରେ କମଳ, ଚଦର ସୁଇଟର ମୂଲ୍ୟ ବଡିଯାଇଥିବାର ଦେଖାଯାଇଛି ।
 |
| Sakhigopal |
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
.jpg)
