ଚନ୍ଦ୍ରମାଧବ ମିଶ୍ର ସ୍ମାରକୀ କ୍ରିକେଟ ମ୍ୟାଚ ଉଦଯାପିତ ; ପୁରୁଣା ବୁଢ଼ାକେରା ଚମ୍ପିୟାନ

Sakhigopal 

ସାକ୍ଷୀଗୋପାଳ ----  ସତ୍ୟବାଦୀ ବ୍ଳକର ବିଦ୍ୟାଧରପୁର ଗ୍ରାମ ପଡିଆରେ ମା ଚର୍ଚ୍ଚିକା କ୍ରୀଡା ଓ ସଂସ୍କୃତି ସଂଘର ସହଯୋଗରେ ଚନ୍ଦ୍ର ମାଧବ ସ୍ମାରକୀ କ୍ରିକେଟ ପକ୍ଷରୁ ଅନୁଷ୍ଠିତ କ୍ରିକେଟ ମ୍ୟାଚ ମଙ୍ଗଳବାର ଉଦଯାପିତ ହୋଇଯାଇଛି । ଫାଇନାଲ ମ୍ୟାଚ ପୁରୁଣା  ବୁଢ଼ାକେରା କ୍ରିକେଟ  କ୍ଳବ ସହିତ ଉଛୁପୁର  କ୍ରିକେଟ କ୍ଳବ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା  । ପୁରୁଣା ବୁଢ଼ାକେରା କ୍ରିକେଟ କ୍ଳବ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୮ ଓଭରରେ  ସମସ୍ତ ଉଇକେଟ ହରାଇ ୧୭୧ ରନ  କରିଥିଲେ  ।  ଜବାବରେ ଉଛୁପୁର କ୍ରିକେଟ ଦଳ ୧୮ ଓଭର ଖେଳି  ୧୪୨ ରନ କରି ରନସ ହୋଇଥିଲେ  । ବିଜୟୀ ବୁଢ଼ାକେରା ଦଳର ଗଣେଶ ପ୍ରଧାନଙ୍କୁ  ମ୍ୟାନଅଫ ଦି ମ୍ୟାଚ ଭାବେ ଘୋଷଣା କରାଯାଇଥିଲା  । ମ୍ୟାନ ଅଫ ଦି ସିରିଜି ଭାବେ ଉଛୁପୁର କ୍ରିକେଟ ଦଳର ଲୁଲୁ  ହୋଇଥିଲେ  । ମ୍ୟାନ ଅଫ ଦି କ୍ୟାଚ ସୂର୍ଯ୍ୟକାନ୍ତ ନାୟକଙ୍କୁ ବଛା ଯାଇଥିଲା  । ସେହିପିର ୩ୟ ଦଳ ଭାବେ ରୂପଦେଇପୁର କ୍ରିକେଟ ଦଳକୁ ୩ ହଜାର ଟଙ୍କା ପୁରଷ୍କାର ପ୍ରଦାନ କରାଯାଇଥିଲା  । ସୁରେନ୍ଦ୍ର ସାହାଣୀ ଓ ଭଗବାନ ବେହେରା ମ୍ୟାଚ ପରିଚାଳନା କରିଥିଲେ  । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଶକ୍ତି , ଶିଳ୍ପ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଯୋଗଦେଇଥିବା ବେଳେ ସମ୍ମାନୀୟ ଅତିଥି ଭାବେ ପୁରୀ ସାଂସଦ ପିନାକୀ ମିଶ୍ର ଓ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ଯୋଗଦେଇ ରାଜ୍ୟ ସରକାର କ୍ରୀଡା ପାଇଁ ସ୍ୱତନ୍ତ୍ର ବ୍ୟବସ୍ଥା କରିଛନ୍ତି । ଯେଉଁପିଲା ମାନେ ଖେଳ ଖେଳୁଛନ୍ତି ସେମାନେ ସଠିକ ଖେଳ ଖେଳିବା ପାଇଁ ଉଦ୍ଦ୍ୟମ କରିବାକୁ ଅତିଥି ମାନେ କହିଥିଲେ  । ଜିଲ୍ଲା ପରିଷଦ ସଭ୍ୟ ଧୁବ ଚରଣ ଦାଶ, ସରପଞ୍ଚ ରଶ୍ମିତା ପ୍ରଧାନ, ସୁନୀଲ ପଣ୍ଡା ପ୍ରମୁଖ ଯୋଗଦେଇଥିଲେ  । ଅତିଥି ମାନେ ଚମ୍ପିୟାନ ଦଳକୁ ସିଲଡସହିତ ୩୦ ହଜାର ଓ ଚମ୍ପିୟାନ ଦଳକୁ ସିଲଡ ସହିତ ୨୦ ହଜାର ଟଙ୍କା ପ୍ରଦାନ କରିଥିଲେ  ।
  ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି