ଡେଲାଙ୍ଗରେ ଧାନମଣ୍ଡି ଖୋଲିଲା

ଡେଲାଙ୍ଗ-- ଡେଲାଙ୍ଗ ପିପିଲର ବିଧାୟକ ପ୍ରଦୀପ ମହାରଥୀଙ୍କ ନିର୍ଦ୍ଦେଶ କ୍ରମେ ଡେଲାଙ୍ଗ ବ୍ଳକର ସିଂହବହ୍ମପୁର ସେବା ସମବାୟ ସମିତି ପକ୍ଷରୁ ଧାନ ମଣ୍ଡି ବୁଧବାର ଉଦଘାଟନ ହୋଇଯାଇଛି । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ପୁରୀ ନିମାପଡା କେନ୍ଦ୍ର ସମବାୟ ବ୍ୟାଙ୍କର ନିର୍ଦ୍ଦେଶକ ବୈରାଗୀ ଜେନା ଧାନମଣ୍ଡିକୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଅନୁଷ୍ଠିତ ସଭାରେ ସମବାୟ ସମିତିର ସମ୍ପାଦକ ଧନେଶ୍ୱର ପ୍ରଧାନ ଓ ସଭାପତି ନରେନ୍ଦ୍ର ପ୍ରଧାନ ଉପସ୍ଥିତ ରହିଥିଲେ  । ଅନ୍ୟତମ ଅତିଥି ଭାବେ ଏଆରସିଏସ ପ୍ରକାଶ ଚନ୍ଦ୍ର ସେଠୀ, ସିଇଓ ସତ୍ୟଶଙ୍କର ମହାନ୍ତି ଉପସ୍ଥିତ ରହି ଚାଷୀ ମାନଙ୍କ ଠାରୁ ସଠିକ ମାର୍ଗରେ ଧାନ କିଣିବା ପାଇଁ ସମବାୟ ସମିତିର ସମ୍ପାଦକଙ୍କୁ କହିଥିଲେ  । ସୁପରଭାଇଜର ପ୍ରଫୁଲ କୁମାର ସ୍ୱାଇଁ ସଭା ପରିଚାଳନା କରିଥିଲେ ପ୍ରଥମ ଦିନରେ ୫ଜଣ ଚାଷୀ ଙ୍କ ଠାରୁ ୨୧୪ କୁଇଣ୍ଟାଲ ଧାନ କିଣା ଯାଇଥିବା ସମବାୟ ସମିତିର ସୁପରଭାଇଜର ଶ୍ରୀ ସ୍ୱାଇଁଙ୍କ ଠାରୁ ପ୍ରକାଶ  ।
 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି

Delang