ସ୍ବେଚ୍ଛାସେବୀ ଅନୁଷ୍ଠାନର ନିଆରା ପ୍ରୟାସ,ଗ୍ରୀନ ପାର୍କରେ ମିଠା ଦିବସ ପାଳିତ

ନୟାଗଡ଼  ----- ନୟାଗଡ଼ ଜିଲ୍ଲା ଶରଣକୁଳ ନିକଟ ହରିହରପୁର ଗାଁରେ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ଏକ ନିଆରା ପ୍ରୟାସ କରାଯାଇଛି। ଅନୁଷ୍ଠାନ ପକ୍ଷରୁ ଡିସେମ୍ବର ୨୫ ତାରିଖରେ ମିଠା ଦିବସ ରୂପେ ପାଳନ କରାଯାଇଛି।ଏହି ଉତ୍ସବ ରେ ମୁଖ୍ୟ ଅତିଥି ଭାବେ ତାମିଲନାଡୁ ଉଥଣ୍ଡି  ସ୍ଥିତ  ଆତ୍ମଜ୍ଞାନ ପ୍ରତିଷ୍ଠାନ ର ପ୍ରତିଷ୍ଠାତା ପୁଜ୍ୟ ସ୍ବାମୀ ଶୁଦ୍ଧାନନ୍ଦ ସରସ୍ବତୀ  ,ସମ୍ମାନୀତ ଅତିଥି ଫ୍ରାନ୍ସ ର ସାମା ମା ଉପସ୍ଥିତ ଥିଲେ । ମୁଖ୍ୟ ଅତିଥିଙ୍କ ହାତରେ ଏକ ବୃକ୍ଷଚାରା ରୋପଣ କରି ସଭା କାର୍ଯ୍ୟ ଆରମ୍ଭ ହୋଇଥିଲା । ଆମ  ଜୀବନ ଯାତ୍ରାରେ ଏହି ଦେହ ରୂପକ ଗାଡି ନେଇ ଆମେ ଯାତ୍ରା ଆରମ୍ଭ କରିଥାଉ।ଏହି ଯାତ୍ରା ର ଆରମ୍ଭ ଓ ଶେଷ ଆମକୁ ଜଣାନଥାଏ।କୌଣସି ସ୍ଥାନକୁ ଯିବାକୁ ହେଲେ ପ୍ରଥମେ ଗାଡି ଠିକ ରହିବା ସହ ଗାଡି ଚାଳକ ଠିକ ରହିବା ଜରୁରୀ ।ଏ ଦୁହିଁଙ୍କ ମଧ୍ୟରୁ ଯଦି ଜଣେ ବି ଦୁର୍ବଳ ଥିବ ଯାତ୍ରା ସୁଖଦ ହେବନି।ଏଣୁ ପ୍ରଥମେ ଉଚିତ ଖାଦ୍ୟ ସହ ଦେହକୁ ସୁସ୍ଥ ରଖିବା । ଉଚିତ ଭାବନା ଆମ ମନକୁ ଯଦି ଶିକ୍ଷା ଦିଆଯାଏ ତେବେ ଆମ ଜୀବନ ଯାତ୍ରା ମଧୁମୟ ହେବ।ଏଣୁ ଯୁବବର୍ଗ ଏଥିପ୍ରତି ସଚେତନ ହୋଇ ଏକ ସୁନ୍ଦର ସମାଜ ଗଢିପାରିବେ  ବୋଲି ସ୍ବାମିଜୀ ଉଦବୋଧନ ଦେଇଥିଲେ।ଫ୍ରେଣ୍ଡସ ହେଲ୍ପ ଗ୍ରୁପ ଓ ଗ୍ରୀନ କ୍ଲବ ସଦସ୍ୟ ମାନଙ୍କର ମିଳିତ ସହଯୋଗରେ କାର୍ଯ୍ୟକ୍ରମଟି ଅନୁଷ୍ଠିତ ହୋଇଥିଲା।କୁନି କୁନି ପିଲାଙ୍କୁ ନେଇ ମ୍ୟୁଜିକ ଚେୟାର ଖେଳ କରି ଉପସ୍ଥିତ ଥିବା ସମସ୍ତ କୁନି କୁନି ପିଲାଙ୍କୁ ମିଠା କ୍ଷୀରି ଆଦି ବଣ୍ଟନ କରାଯାଇଥିଲା । ବାସ୍ତବିକ ଶିଶୁ ହସିଲେ ଦୁନିଆ ହସେ,ଏହି କୁନିକୁନି ଶିଶୁମାନଙ୍କ ମୁହଁରେ ଖୁସିର ଝଲକ ଦେଖିବାକୁ ମିଳିଥିଲା।ଏହି ନିଆରା ପ୍ରୟାସକୁ ବିଭିନ୍ନ ସ୍ଥାନରୁ ପ୍ରଶଂସାର ସୁଅ ଛୁଟିଛି। 

nayagarh

ନୟାଗଡ଼ରୁ ସୁଦୀପ୍ତ କୁମାର ଦଳେଇ