ପୂର୍ବତନ ସରପଞ୍ଚଙ୍କ ପରଲୋକ

ବେଗୁନିଆ--- ବେଗୁନିଆ ବ୍ଲକ ଅନ୍ତର୍ଗତ ଡିଙ୍ଗର ପଞ୍ଚାୟତର ପୂର୍ବତନ ସରପଞ୍ଚ ଦାମୋଦର ନାଗ(୮୦)ଙ୍କର  ପରଲୋକ ହୋଇ ଯାଇଛି । ସ୍ୱର୍ଗତ ନାଗ ପଞ୍ଚାୟତରେ ୩ ଥର ସରପଞ୍ଚ ଭାବେ ନିର୍ବାଚିତ ହୋଇ ବହୁ ଜନହିତକର କାର୍ଯ୍ୟ  କରିଥିଲେ  । ସ୍ଥାନୀୟ ଅଞ୍ଚଳରେ ସେ ଜଣେ ମେଳାପୀ,କର୍ତବ୍ୟନିଷ୍ଠ,ସଚ୍ଚୋଟ,ପରୋପକାରୀ ,ନ୍ୟାୟବିତ୍ ଓ ଧର୍ମପରାୟଣ ବ୍ୟକ୍ତି ଭାବରେ ଜଣାଶୁଣା ଥିଲେ । ତାଙ୍କ ମୃତ ଖବର ପ୍ରଚାରିତ ହେବା କ୍ଷଣି ତାଙ୍କ ବାସଭବନରେ ଜନସମାଗମ ହୋଇଥିଲା । ଶବାଧାରକୁ  ଗ୍ରାମ ପରିକ୍ରମା କରାଯାଇ  ବଡପୁଅ ବିରୁପାକ୍ଷ ନାଗ ମୁଖାଗ୍ନି  ଦେଇଥିଲେ  । ଶୋକାକୂଳ ପରିବେଶ ମଧ୍ୟରେ ଗ୍ରାମ୍ୟ  ଶ୍ମଶାନରେ ଅନ୍ତେଷ୍ଟକ୍ରିୟା ସମ୍ପନ୍ନ ହୋଇଥିଲା । ତାଙ୍କ ମୃତ୍ୟୁରେ  ବେଗୁନିଆର ପୂର୍ବତନ ବିଧାୟକ  କୈଳାସ ଚନ୍ଦ୍ର ମହାପାତ୍ର,କଂଗ୍ରେସର ବିଧାୟକ ପ୍ରାର୍ଥୀ ପ୍ରଦୀପ କୁମାର ସାହୁ,ବେଗୁନିଆର ପୂର୍ବତନ ସରପଞ୍ଚ  ନବ କିଶୋର ସ୍ୱାଇଁ,ସ୍ଥାନୀୟ ସରପଞ୍ଚ ଶିବ ପ୍ରସାଦ ଦାସ ଶୋକ ପ୍ରକାଶ କରିଛନ୍ତି ।
 ବେଗୁନିଆରୁ ଯୋଗେଶ୍ୱର ପଣ୍ଡା