ପ୍ରଧାନମନ୍ତ୍ରୀ ଆବାସ ଯୋଜନା କରେଇ ଦେବା ନାମରେ ଅର୍ଥ ନେଇଥିବା ଅଭିଯୋଗରେ ଜଣେ ଅଟକ

ବେଗୁନିଆ---- ବେଗୁନିଆ ବ୍ଲକ ଅନ୍ତର୍ଗତ ଗଡମାଣିତୀର ପଞ୍ଚାୟତରେ ପ୍ରଧାନମନ୍ତ୍ରୀ  ଆବାସ ଯୋଜନାରେ ଘର କରାଇଦେବା  ପାଇଁ  ଲୋକଙ୍କ ଠାରୁ ଶିଶିର ମଙ୍ଗରାଜଙ୍କ ସହ ଆଉ ଦୁଇ ସହଯୋଗୀ  ଲାଞ୍ଚନେଇଥିଲେ । ଏ ନେଇ ଜିଲ୍ଲାପାଳ ଓ  ଖୋର୍ଦ୍ଧା ପ୍ରକଳ୍ପ ସଂଯୋଜକଙ୍କ ନିକଟରେ ସଂପୃକ୍ତ ବ୍ୟକ୍ତିଙ୍କ ନାମରେ ସ୍ଥାନୀୟ ଜନସାଧାରଣ ଅଭିଯୋଗ କରିବା ପରେ  ପ୍ରଶାସନ ପକ୍ଷରୁ ତଦନ୍ତ କରାଯାଇଛି  । ଅନ୍ୟ ପକ୍ଷେ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ  ବେଗୁନିଆ ଥାନାରେ ଏକ ଅଭିଯୋଗ କରାଯାଇଛି । ପୋଲିସ ଏଏସଆଇ ସନାତନ ମଲ୍ଲିକ ଏକ କେସ ଦାଏର କରି ଘଟଣାର ତଦନ୍ତ  କରିବା ସହ ଅଭିଯୁକ୍ତଙ୍କୁ ଥାନାରେ ଅଟକ ରଖିଛନ୍ତି । ଅନ୍ୟ ଦୁଇ ଜଣ ଘଟଣା ସମ୍ପର୍କରେ ଜାଣିପାରି ଫେରାର ହୋଇଯାଇଥିବା ଜଣାପଡିଛି । ଏ ସମ୍ପର୍କରେ ବିଡିଓ ରବିନାରାୟଣ ମାଝୀଙ୍କୁ  ପଚାରିବା ପାଇଁ ଯୋଗା ଯୋଗ କରିଥିଲେ ମଧ୍ୟ  ଫୋନକୁ ରିସିଭ କରି ନଥିଲେ ।
 ବେଗୁନିଆରୁ ଯୋଗେଶ୍ୱର ପଣ୍ଡା