ଦୁଇ ହଜାର ଟଙ୍କା ଲାଞ୍ଚ ନେବା ବେଳେ ଭିଜଲାନସ ହାତରେ ପିୁଚୁକୁଳି ଏଆରଆଇ

ବେଗୁନିଆ---- ଉତରାଧିକାରୀ  ପ୍ରମାଣପତ୍ର  କରାଇଦେବା  ପାଇଁ  ବେଗୁନିଆ ଥାନା ଅନ୍ତର୍ଗତ ପିଚୁକୁଳି ରାଜସ୍ୱ ନିରୀକ୍ଷକ କାର୍ଯ୍ୟାଳୟର  ଅତିରିକ୍ତ ରାଜସ୍ୱ ନିରୀକ୍ଷକ ଓ ଜଣେ ଦଲାଲ  ଖୋର୍ଦ୍ଧା ଦୁର୍ନିତୀ ନିବାରଣ ବିଭାଗ  ଦ୍ୱାରା ଧରାପଡିଛନ୍ତି । ଘଟଣାରୁ ପ୍ରକାଶ ଯେ , ଗୋପାଳପୁର ପଞ୍ଚାୟତ  ଅନ୍ତର୍ଗତ ତାଳତୁମ୍ବ ଗ୍ରାମର ଅକ୍ଷୟ କୁମାର ରାଉତରାୟ  ଉତରାଧିକାରୀ ପ୍ରମାଣପତ୍ର ପାଇବା ପାଇଁ   ଆବେଦନ କରିଥିଲେ  ।  ପିଚୁକୁଳି ରାଜସ୍ୱ ନିରୀକ୍ଷକ କାର୍ଯ୍ୟାଳୟକୁ ବାରମ୍ବାର ଦୌଡିବାକୁ ପଡିଥିଲା । ଦଲାଲ ପ୍ରଫୁଲ ଚନ୍ଦ୍ର ପରିଡା ଓରଫ ସନାତନ ଓ ଅତିରିକ୍ତ ରାଜସ୍ୱ ନିରୀକ୍ଷକ କୃଷ୍ଣଚନ୍ଦ୍ର ସେଠୀ ପ୍ରମାଣ ପତ୍ର କରିଦେବା ପାଇଁ  ୨ ହଜାର ଟଙ୍କା ଲାଞ୍ଚ ଦାବୀ କରିଥିଲେ ।  ଏ ସମ୍ପର୍କରେ ଅଭିଯୋଗକାରୀ ଶ୍ରୀ ରାଉତରାୟ ଖୋର୍ଦ୍ଧା ଜିଲ୍ଲା  ଦୁର୍ନିତୀ ନିବାରଣ ବିଭାଗରେ ଜଣାଇଥିଲେ । ଗୁରୁବାର  ପୂର୍ବ    ଯୋଜନା ମୁତାବକ ଭିଜିଲାନସ ଅଧିକାରୀ  ଘଟଣା ସ୍ଥଳରେ ପହଞ୍ଚି  ଅଭିଯୋଗକାରୀଙ୍କ ଠାରୁ ଦୁଇ ହଜାର ଟଙ୍କା  ଲାଞ୍ଚ ନେଉଥିବା ସମୟରେ ଅଭିଯୁକ୍ତ ଏଆରଆଇ ଓ ଦଲାଲଙ୍କ ଠାରୁ ଉପରୋକ୍ତ ଟଙ୍କାକୁ ଜବତ କରିଥିଲେ । ପରେ ଉଭୟଙ୍କୁ  ଖୋର୍ଦ୍ଧା ନେଇ ଅଧିକ ତଥ୍ୟ ହାସଲ ପାଇଁ  ପଚରାଉଚୁରା କରୁଥିବାର ଜଣା ପଡିଛି ।
ବେଗୁନିଆରୁ ଯୋଗେଶ୍ୱର ପଣ୍ଡା