ବରଗଡ଼ ---ବରଗଡ ଜିଲ୍ଲା ଭେଡେନ ବ୍ଲକ ଡାଲବ ସରସ୍ଵତୀ ଶିଶୁ ବିଦ୍ୟାମନ୍ଦିର ଖୁଣ୍ଟୁଲିପାଲି ଠାରେ "ଶିଶୁ ଦିବସ " ପାଳିତ ହୋଇଯାଇଛି ।ଏହି ଅବସରରେ ଶିଶୁ ଶିବିର, ବାଲ ଶିବିର ଓ କନ୍ୟା ଶିବିର ଅନୁଷ୍ଠିତ ହୋଇଥିଲା।ଏଥିରେ ମୁଖ୍ୟ ଅତିଥି ଭାବେ ଭେଡେନ ଥାନା ର ଭାରପ୍ରାପ୍ତ ଅଧିକାରୀ ପ୍ରେମଜିତ ଦାଶ ଯୋଗଦେଇ ଭଲ ପାଠ ପଢି ଭବିଷ୍ୟତ ରେ ନାଗରିକ ହୋଇ ସମାଜ ର ମୁଖ୍ୟ ସ୍ରୋତରେ ସାମିଲ ହେବା ପାଇଁ ଉତ୍ସାହିତ କରିଥିଲେ। ଏହି ସମୟରେ ବିଦ୍ୟାଳୟର ପରିଚାଳନା କମିଟି ର ସଭାପତି ସୁରେନ୍ଦ୍ର କୁମାର ଦାଶ,ଉପ ସଭାପତି ପ୍ରବୀଣ କୁମାର ସାହୁ,ସମ୍ପାଦକ ମଦନ ମୋହନ ଦାଶ, କୋଷାଧ୍ୟକ୍ଷ ଗଜାନନ ବନଛୋର,ମାତୃ ଭାରତୀର ସମସ୍ତ ମାତୃ ମଣ୍ଡଳୀ ଏବଂ ଗଣ ମାଧ୍ୟମର ପ୍ରତିନିଧି ମୁକୁନ୍ଦ ଷଡ଼ଙ୍ଗୀ, ଜ୍ୟୋତିରଂଜନ ମହାପାତ୍ର, ହୀରା ମହାକୁର, ହୃଷୀକେଶ ଖମାରି ପ୍ରମୁଖ ଉପସ୍ଥିତ ଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଭୋଜରାଜ ଦୁଆନ ଅତିଥି ପରିଚୟ ପ୍ରଦାନ କରିଥିଲେ । ଜବାହର ଲାଲ୍ ନେହେରୁଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ସମେତ ମା' ବୀଣାପାଣିଙ୍କ ଠାରେ ଦୀପ ଜାଳି କାର୍ଯ୍ୟକ୍ରମ ଆରମ୍ଭ ହୋଇଥଲା। ଏହି କାର୍ଯ୍ୟକ୍ରମରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପ୍ରତିଯୋଗୀତାରେ ବିଜୟୀ ଶିଶୁ ଭାଇ,ଭଉଣୀଙ୍କୁ ପୁରସ୍କୃତ କରାଯାଇଥିଲା ।ଶେଷରେ ବିଦ୍ୟାଳୟର ଶିଶୁ ବାଟିକା ବିଭାଗର ଗୁରୁମା ଶ୍ରୀମତୀ ଜ୍ୟୋସ୍ନାମୟୀ ନାଏକ ଧନ୍ୟବାଦ ଅର୍ପଣ କରିଥିଲେ ।
ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୧୫/୧୧/୨୦୨୩---୮,୪୫ Sakhigopal News,15/11
