ସ୍ୱାମୀକୁ ଛାଡି ପତ୍ନୀ ଅନ୍ୟତ୍ର ବିବାହ; ଭରଣ ପୋଷଣ ଟଙ୍କା ଦେଲେ କେସ ରଫାଦଫା ହେବ

ବେଗୁନିଆ---- ସ୍ଥାନୀୟ ହରିଜନ ସାହିର ସୁରଥ ନାୟଙ୍କ ସାନପୁଅ କୃଷ୍ଣ କେଶବ ବୋଲଗଡ ବ୍ଲକ ଅନ୍ତର୍ଗତ ବଡକୁମାରୀ ପଞ୍ଚାୟତ ଅନ୍ତର୍ଗତ ଡିହ ଖଉରୁଣୀ ଗ୍ରାମର ଅମିନ ନାୟକଙ୍କ ଝିଅ ବିନିତାଙ୍କୁ ଗତ ୨୦୧୮ ମସିହାରେ ବୈଦିକ ରିତୀରେ ବିବାହ କରିଥିଲେ । ବିବାହର କିଛିଦିନ ପରେ ବିନିତାର ଚାଳିଚଳନକୁ  ସୁରଥଙ୍କ  ମଧ୍ୟରେ  କଳହ ଲାଗିଥିଲା । ଏ ନେଇ ବିନିତା ବେଗୁନିଆ ଥାନାରେ ସ୍ୱାମୀ, ଶାଶୁ ଓ ଶ୍ୱଶୁରଙ୍କ ନାମରେ ଏକ ଯୌତୁକ ନିର୍ଯାତନା ଅଭିଯୋଗ କରିଥିଲେ । ଯାହା ଏବେ ଖୋର୍ଦ୍ଧା ଏସଡିଜେଏମ କୋର୍ଟରେ ବିଚାରଧିନ ଅଛି । ନୟାଗଡ ଜିଲ୍ଲା  ରଣପୁର ବ୍ଲକ  ଲେଖନପୁର ଗ୍ରାମର ସୁଧିର ନାୟକଙ୍କ ବଡପୁଅ ନିରଞନଙ୍କୁ ଗତ ୨୦୧୯ ମସିହା ଜୁଲାଇ ମାସରେ ବିନତା  ନଖରାସ୍ଥିତ ଏକ ମନ୍ଦିରରେ ବୈଦିକ ରିତୀରେ  ବିବାହ କରି ଚୌଦ୍ୱାର ଠାରେ ରହି ଆସୁଛନ୍ତି । ଏହି ଘଟଣା ଜାଣିବା ପରେ କୃଷ୍ଣ ଚୌଦ୍ୱାର ଥାନାରେ ୨୨ ସେପ୍ଟେମ୍ବରରେ ଲିଖିତ ଅଭିଯୋଗ କରିଥିଲେ । ପୋଲିସ ଉପସ୍ଥିତିରେ ବିନିତା ପୂର୍ବରୁ କରିଥିବା କେଶ ପ୍ରତ୍ୟାହାର କରିବା ସହ ଛାଡପତ୍ର ପାଇଁ   ଆବେଦନ  କରିବେ ବୋଲି ନିଷ୍ପତି ପତ୍ର ଲେଖା ହୋଇଥିଲା । କିନ୍ତୁ  ବିନିତା  କେଶ ପ୍ରତ୍ୟାହାର କରିବା ଦୂରର କଥା ଭରଣ ପୋଷଣ ବାବଦକୁ ଅର୍ଥରାଶି  ପ୍ରଦାନ କଲେ ମୋକଦ୍ଦମା ସମାଧାନ କରିବେ ବୋଲି  କହିଛନ୍ତି ।  ସ୍ୱାମୀ କେଶବ ଓ ତାଙ୍କ ପରିବାର ଲୋକମାନେ ନିରୁପାୟ ହୋଇ ଉଚିତ ନ୍ୟାୟ ପାଇବା ଆଶାରେ  କୋର୍ଟର ଆଦେଶକୁ ଚାହିଁ ବସିଛନ୍ତି । 
 ବେଗୁନିଆରୁ ଯୋଗେଶ୍ୱର ପଣ୍ଡା