ଶ୍ରୀ ଭାଗବତ ମହାପୁରାଣ କଥାଯଜ୍ଞ ଉଦଯାପିତ

ବେଗୁନିଆ---- ବେଗୁନିଆ ଥାନା ଅନ୍ତର୍ଗତ  କବିତୀର୍ଥ  ସାନପଦର ଗ୍ରାମବାସୀଙ୍କ  ସହଯୋଗରେ ୭ ଦିନ ବ୍ୟାପୀ  ଚାଲିଥିବା  ଶ୍ରୀ ଭାଗବତ ମହାପୁରାଣ କଥାଯଜ୍ଞ ଉଦ୍ଯାପିତ ହୋଇ ଯାଇଛି । ଏହି ଭାଗବତ ମହାପୁରାଣ କାର୍ଯ୍ୟକ୍ରମରେ ପ୍ରବଚକ ନବୀନଜୀ  ଯୋଗ ଦେଇ ପ୍ରତ୍ୟହ ସନ୍ଧ୍ୟାରେ ଭଗବାନ ଶ୍ରୀ କୃଷ୍ଣଙ୍କ ଚରିତ ଉପରେ ଉପସ୍ଥିତ ଶ୍ରଦ୍ଧାଳୁ ମାନଙ୍କୁ  ବୁଝାଇଥିଲେ । ଉଦ୍ଯାପନୀ ସନ୍ଧ୍ୟାରେ ଭୁବନେଶ୍ୱର ପଞ୍ଚବଟୀ  ସେବା ଟ୍ରଷ୍ଟର ଅଧ୍ୟକ୍ଷ  ସଦାଶିବ ମିଶ୍ର,କଳିଙ୍ଗ ବିହାର ସତସଙ୍ଗ ସେବା ସମିତିର ନିର୍ଦ୍ଦେଶିକା ଜ୍ୟୋସ୍ନାମୟୀ ପଟ୍ଟନାୟକ ଓ ପଞ୍ଚବଟୀ  ରଘୁନାଥ କ୍ଷେତ୍ରର ନିର୍ଦ୍ଦେଶିକା ସଞିତା ମିଶ୍ର ପ୍ରମୁଖ  ଅତିଥି ଭାବେ ଯୋଗ ଦେଇଥିଲେ  ।   ଆଧ୍ୟାତ୍ମିକ ଚିନ୍ତା ଓ ଚେତନା ଦ୍ୱାରା  ମନୁଷ୍ୟ ସୁପଥଗାମୀ ହୋଇଥାଏ ବୋଲି ଯୋଗଦେଇଥିବା ଅତିଥି ମାନେ ମତ ଦେଇଥିଲେ  । କାର୍ଯ୍ୟକ୍ରମକୁ ଶିକ୍ଷକ  ଶ୍ରୀକାନ୍ତ କୁମାର ନାୟକ ସଂଯୋଜନା କରିଥିବା ବେଳେ  ବିଭୁ ପ୍ରସାଦ ସୁବୁଦ୍ଧି,ଅମ୍ବିକା ପ୍ରସାଦ ମହାନ୍ତି,ଗଗନ କୁମାର ସ୍ୱାଇଁ ଓ ପ୍ରଭାସ ଚନ୍ଦ୍ର ନାୟକ ପରିଚାଳନାରେ ସହଯୋଗ  କରିଥିଲେ । 
ବେଗୁନିଆରୁ ଯୋଗେଶ୍ୱର ପଣ୍ଡା