କେହି ନଥିବା ବେଳେ ,ଡାକ୍ତରଙ୍କ ଘରୁ ଚୋରି , ଥାନାରେ ଅଭିଯୋଗ

ଭଞ୍ଜନଗର - ଭଞ୍ଜନଗର ଥାନା ଅନ୍ତର୍ଗତ କୁଲାଡ  ନୂଆଁସାହିରେ  କେହି ନଥିବା ବେଳେ  ରାତିରେ ଡାଃ ଜଗନ୍ନାଥ ମହାପାତ୍ର ଙ୍କ ଘରୁ ଚୋରି ହୋଇଥିବା ଜଣାପଡିଛି । ଏନେଇ ଡଃ ମହାପାତ୍ରଙ୍କ ସଂପର୍କୀୟ  ରାଜେଶ ପାଣିଗ୍ରାହୀ ଭଞ୍ଜନଗର ଥାନାରେ ଲିଖିତ ଅଭିଯୋଗ  କରିଛନ୍ତି ।  ପରେ ଭଞ୍ଜନଗର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଖବର ନେବାରେ ଜଣାପଡିଛି , ସ୍ତ୍ରୀ ଙ୍କ ଚିକିତ୍ସା ପାଇଁ  ଡଃ ମହାପାତ୍ର ଭୂବନେଶ୍ବର ଚାଲିଯାଇଥିଲେ । ଘରେ କେହି ନଥିବାର ସୁଯୋଗ ନେଇ  ରାତିରେ ଦୁର୍ବୃତ୍ତ ମାନେ ଘରର କବାଟ ଭାଙ୍ଗି ଘରେ ପଶିଥିଲେ ।  ଆଲମାରୀ ଭାଙ୍ଗି , ସେଥିରେ ଥିବା ଟଙ୍କା ଓ ସୁନା ଚୋରି କରି ନେଇଯାଇଥିବା ବେଳେ ଘରର  ଲୁଗାପଟା ସବୁ  ଫୋପାଡି ଦେଇଥିବା  ଦେଖିବାକୁ ମିଳିଥିଲା । ତେବେ  ଡଃ ମହାପାତ୍ର ଭୁବନେଶ୍ବରରୁ ଫେରିବା ପରେ ଚୋରି ସମ୍ପର୍କରେ ଅବଗତ ହୋଇଥିଲେ । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୬/୧୨/୨୦୨୨---୯,୪୦ Sakhigopal News,26/12/2022