ଘରକୁ ଘର ବୁଲି କରୋନା ତଥ୍ୟ ସଂଗ୍ରହ ସହିତ ହାତଧୁଆ ସଚେତନତା କଲେ ଅଙ୍ଗନୱାଡି ଓ ଆଶାକର୍ମୀ
ସାକ୍ଷୀଗୋପାଳ----ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଡିବାରେ ଲାଗିଛି । କମିବାର ନାଁ ଗନ୍ଦ ଧରୁନାହିଁ । ଆଗାମୀ ଦିନରେ ରାଜ୍ୟ ସରକାର କହିଛନ୍ତି ୪ ସପ୍ତାହ ଆମ ପାଇଁ ବହୁ ଜରୁରୀ । ଏହାକୁ ନଜର କର ପୁରୀ ଜିଲ୍ଲାପାଳ ବଲୱାନ୍ତ ସିଂଙ୍କ ନିର୍ଦ୍ଦେଶ କ୍ରମେ ସତ୍ୟବାଦୀ ସିଡିପିଓ ପ୍ରେମବାଳା ତ୍ରିପାଠୀଙ୍କ ତତ୍ୱବଧାନରେ ସତ୍ୟବାଦୀ ବ୍ଳକରେ ଘରକୁ ଘର ବୁଲିରେ ଅଙ୍ଗନୱାଡ ଓ ଆଶା କର୍ମୀ । ସେମାନେ ପ୍ରତି ଦିନ ଘରକୁ ଘର ଦୁଇ ଥର ବୁଲିକି ପରିବାର ମାନଙ୍କ ଠାରୁ ତଥ୍ୟ ସଂଗ୍ରହ କରିବେ । ଅପରାହ୍ନ ୪ଟା ସୁଦ୍ଧା ସମସ୍ତ ତଥ୍ୟ ମହିଳା ଶିଶୁ ବିକାଶ ବିଭାଗ ଓ ସ୍ୱାସ୍ଥ୍ୟ ବିଭାଗ ଅଧିକାରୀଙ୍କୁ ଫଟୋ ଓ ତଥ୍ୟ ପ୍ରଦାନ କରାଯାଉଛି । ଏଥିରେ ଗର୍ଭବତୀ, ପ୍ରସ୍ତୁତି, ଜନ୍ମରୁ ୧୦ ବର୍ଷର ପିଲା ମାନଙ୍କର, ୬୦ ବର୍ଷରୁ ୮୦ ବର୍ଷର ଲୋକ ମାନଙ୍କ ସହିତ ବିଭିନ୍ନ ରୋଗରେ ଅସୁସ୍ଥ ହୋଇଥିବା ଲୋକମାନଙ୍କର ତଥ୍ୟ ସଂଗ୍ରହ କରୁଛନ୍ତି । ଏହା ସହିତ ପରିବାର ଲୋକମାନଙ୍କୁ କିପରି ସାବୁନରେ ହାତ ଧୋଇବେ, ଆବଶ୍ୟକତା ନ ଥିଲେ ଘରୁ ନ ବାହାରିବା, ମୁହଁରେ ମାସ୍କ ବାନ୍ଦିବା, ସାମାଜିକ ଦୂରତା ରକ୍ଷା କରିବା ଆଦି ସମ୍ପର୍କରେ ସଚେତନତା କରାଯାଉଛି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
