ଡାକ୍ତର ଓ ସ୍ୱେଛାସେବୀ ଅନୁଷ୍ଠାନକୁ କରୋନା ଯୋଦ୍ଧାରେ ସମ୍ମାନିତ

ଡେଲାଙ୍ଗ------- ପୁରୀ ଜିଲ୍ଲା ଡେଲାଙ୍ଗ ବ୍ଳକର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ମେକଇନ ଇଣ୍ଡିଆ ଓ  ମିଡିଆ ପରିବାର ପକ୍ଷରୁ ଡେଲାଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଡାକ୍ତର ଓ ସ୍ୱେଛାସେବୀ ଅନୁଷ୍ଠାନ ପ୍ରଭାତ କ୍ଲବ କୁ ସମ୍ମାନୀତ କରାଯାଇଛି । ସାମ୍ବାଦିକ ପ୍ରସନ୍ନ ତ୍ରିପାଠୀ ସଭାପତିତ୍ୱ କରଥିଲେ । ମହାମାରୀ କରୋନା ଲଢେଇରେ ସରକାରଙ୍କ ନିୟମ ମାନି ଡେଲାଙ୍ଗ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରର ଡାକ୍ତରମାନେ ନିଜର ବହୁ ମୁଲ୍ୟବାନ ଜୀବନକୁ ବାଜି ଲଗାଇଥିଲେ ।  ଜନସାଧାରଣ ମାନଙ୍କ ସେବା କରି ଜୀବନ ବଞ୍ଚାଇବାର ପ୍ରୟାସକୁ ଖୁବ ପ୍ରଂଶସା କରାଯାଇଥିଲା । ସେହିପରି ଡେଲାଙ୍ଗ ବ୍ଳକର ସର୍ବପୁରାତନ  ସ୍ୱେଛାସେବୀ ଅନୁଷ୍ଠାନ ପ୍ରଭାତ କ୍ଲବକୁ କରୋନା ଲଢେଇରେ ସାମିଲ ହୋଇ ଅଞ୍ଚଳରେ ବେଶ  ସୁନାମ ଅର୍ଜନ କରିଛନ୍ତି । ଏହି ଆନୁକୁଲ୍ୟରେ ଡେଲାଙ୍ଗ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ର ମେଡିକାଲ ଅଫିସର ସନ୍ତୋଷ କୁମାର ତ୍ରିପାଠି ଓ ପ୍ରଭାତ କ୍ଲବର ସଭାପତି ପ୍ରକାଶ ଚନ୍ଦ୍ର ନାୟକ , ସମ୍ପାଦକ ପଦ୍ମନାଭ ବରାଳଙ୍କୁ ମେକ୍ ଇନ ଇଣ୍ଡିଆ ଓ ମିଡିଆ ପରିବାର ପକ୍ଷରୁ ଉତ୍ତରୀୟ ଓ ମାନପତ୍ର ଦିଆଯାଇ ସମ୍ମାନିତ କରାଯାଇଛି ।ଏହି କାର୍ଯ୍ୟକ୍ରମରେ ସାମ୍ବାଦିକ ଦିପକ କୁମାର ମିଶ୍ର,ବିଜୟ କୁମାର ମହାପାତ୍ର,ଅରୁଣ କୁମାର ରାଉତ,ରଶ୍ମି ରଞ୍ଜନ ପଟ୍ଟନାୟକ,ଚିତରଞ୍ଜନ ଜେନାଙ୍କ ସହିତ ମେକ୍ ଇନ ଇଣ୍ଡିଆ ଓ ପରିବାର ସମ୍ପାଦକ ସାମ୍ବାଦିକ ଦିଲ୍ଲିପ କୁମାର ଧାଉଡିଆ ପ୍ରମୂଖ ଉପସ୍ଥିତ ରହିଥିଲେ ।
 ଡେଲାଙ୍ଗରୁ ଧୀରେନ୍ଦ୍ର ସେନାପତି