ଶିଶୁ ଶ୍ରମିକ କାର୍ଯ୍ୟରେ ନିୟୋଜିତ ପାଇଁ ଯାଉଥିବା ୧୨ ନାବାଳକ ଖୋର୍ଦ୍ଧା ରୋଡରେଳ ଷ୍ଟେସନରୁ ଉଦ୍ଧାର

ଜଟଣୀ : ନାବାଳକ ଶିଶୁ ଶ୍ରମିକ ଭାବେ ନିୟୋଜିତ କରିବା ପାଇଁ ଚାଲାଣ ହେଉଥିବା  ୧୨ ଜଣ ପିଲାଙ୍କୁ  ରୁଚିକା ସମାଜ ମଙ୍ଗଳ ସଂଗଠନ ପକ୍ଷରୁ ମଙ୍ଗଳବାର ଖୋର୍ଦ୍ଧା ରୋଡରେଳ ଷ୍ଟେସନରୁ  ଉଦ୍ଧାର କରାଯାଇଛି l ସଂଗଠନର ମୁଖ୍ୟ ଡ ବେଣୁଧର ସେନାପତି ଗତକାଲି ବିଶେଷ ସୂତ୍ରରୁ ଖବର ପାଇଥିଲେ ବିହାର ରାଜ୍ୟର ବିଭିନ୍ନ ସ୍ଥାନରୁ ବହୁ ନାବାଳକ ମୁଜ୍ଜାଫରପୁର ରୁ ୟଶବନ୍ତପୁର ଯାଉଥିବା ୧୫୨୨୮ ଏକ୍ସପ୍ରେସ ଟ୍ରେନ୍ ଯାଉଛନ୍ତି ବୋଲି l ଏଇ ନେଇ ସେ ଭୁବନେଶ୍ୱର ଆରପିଏଫ ଓ ଜିଆରପି ର ନଜରକୁ ଆଣି ସହଯୋଗ ମାଗିଥିଲେ l ଯୋଜନା ପ୍ରସ୍ତୁତ ଅନୁଯାୟୀ ମଙ୍ଗଳବାର ସକାଳୁ ଟ୍ରେନରେ ସେମାନଙ୍କ ଟିମ୍ ଭୁବନେଶ୍ୱରରୁ ପିଛାକରି ଖୋର୍ଦ୍ଧାରୋଡ ଷ୍ଟେସନରେ ଗାଡ଼ି ଲାଗିବା କ୍ଷଣି ରୂଚିକାର ଆକ୍ସେସ ଟୁ ଜଷ୍ଟିସ ପ୍ରକଳ୍ପ କର୍ମକର୍ତ୍ତା , ଚାଇଲ୍ଡ ହେଲ୍ପ ଲାଇନ ଓ ରେଲୱେ ପୋଲିସର ଏକ ମିଳିତ ଟିମ୍ ନାବାଳକ ମାନଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ l ଏହି ୧୨ ଜଣ ନାବାଳକ ବିହାର ବିଭିନ୍ନ ଜ଼ିଲ୍ଲାରୁ ଆସିଥିବା ବେଳେ ବାଙ୍ଗାଲୋରକୁ ଶ୍ରମିକ କାର୍ଯ୍ୟରେ ନିୟୋଜିତ ହେବା ପାଇଁ ତିନୋଟି ବଗିରେ ଯାଉଥିଲେ l ସମସ୍ତ ନାବାଳକ ମାନଙ୍କୁ ଖୋର୍ଦ୍ଧା ଶିଶୁମଙ୍ଗଳ ବିଭାଗରେ ପୁଟ ଅଫ କରାଯିବ ବୋଲି  ଋଚିକା ସମାଜ ମଙ୍ଗଳ ସଂଗଠନର କାର୍ଯ ନିର୍ବାହୀ ଅଧିକାରୀ  ହରପ୍ରିୟା ପତି କହିଛନ୍ତି l ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୩/୫/୨୦୨୫---୯,୪୫ Sakhigopal News,13/5/2025