ପ୍ରଧାନ ଶିକ୍ଷକ ଓ ସିଆରସିସି ବିରୋଧ ରେ ଆସିଥିବା ଅଭିଯୋଗ ମିଥ୍ୟା ପ୍ରମାଣିତ
କଳାହାଣ୍ଡି ----- କଳାହାଣ୍ଡି ଜିଲ୍ଲା ନର୍ଲା ବ୍ଳକ ଶିକ୍ଷା ବିଭାଗ ର ମୁରସିଗ ନିଉ ପ୍ରାଇମେରୀ ସ୍କୁଲ ର ଅନିୟମିତତା ନେଇ ଗତ କିଛି ଦିନ ତଳେ ଅଭିଯୋଗ ନର୍ଲା ବିଇଓ ଓ ଜିଲ୍ଲା ଶିକ୍ଷା ଅଧିକାରୀଙ୍କ ଠାରେ ହୋଇଥିଲା। ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦେଶ କ୍ରମେ ନର୍ଲା ବିଇଓ ନିରୁପମା ଦୋରା ଓ ଏବିଇଓ ଜୟସିଙ୍ଗ ନିଆଲ ମୁରସିଗ ସ୍କୁଲ ଆସି ତଦନ୍ତ କରିଥିଲେ। ଏହି ତଦନ୍ତ ପରିଷରରେ ଆସିଥିବା ସ୍କୁଲର ପ୍ରଧାନ ଶିକ୍ଷକ ରଥୁ ସାହୁ, ସିଆରସି କିଶୋର ଭୋଇ ଓ ସ୍କୁଲ ପରିଚାଳନା କମିଟି ର ସଭାପତି ଭଗବାନ ଗହୀର କୁ ପଚାରିବାରୁ ସମସ୍ତ କାଗଜପତ୍ର ଯାଞ୍ଚ ସମୟରେ ଠିକଠାକ ଥୁବାରୁ ଏହି ଅଭିଯୋଗ ଭିତ୍ତିହୀନ ବୋଲି ପ୍ରକାଶ କରିଥିଲେ।ଏବିଈଓ ଜୟସେନ ନିଆଲ ଓ ବ୍ଳକ ଶିକ୍ଷା ଅଧିକାରିଣି ନିରୁପମା ଦୋରା କୁ ଫୋନ ଯୋଗେ ଯୋଗାଯୋଗ କରାଯିବାରୁ ସମ୍ପର୍କ ହୋଇ ପାରିନଥିଲା । ଏଥିରୁ ଜଣା ପଡେ ଯେ, କୌଣସି ଖଳ ନାୟକ ପ୍ରକୃତି ର ବ୍ୟକ୍ତି ନିଜର ବ୍ୟକ୍ତି ଗତ ରାଗ ସୁଝାଇବା ପାଇଁ ଗ୍ରାମ ଲୋକଙ୍କୁ ଉସୁକାଇ ଗ୍ରାମ ର ପ୍ରଧାନ ଶିକ୍ଷକ ଓ ସିଆରସିସି ଙ୍କ ବିରୋଧ ରେ ଚକ୍ରାନ୍ତ କରୁଥିବା ପ୍ରମାଣିତ ହୋଇଛି ।
କଳାହାଣ୍ଡି ରୁ ଜ଼ିଲ୍ଲା ପ୍ରତିନିଧି ପ୍ୟାରୀ ଲାଲ ଦୁର୍ଗା ଙ୍କ ରିପୋର୍ଟ , ୨୦/୧/୨୦୨୧---- ୧୨,୫୦
