ଶ୍ରୀ ରଘୁନାଥ ମନ୍ଦିରରେ ତୁଳସି ବିବାହ ଅନୁଷ୍ଠିତ

 ସାକ୍ଷୀଗୋପାଳ----- କାତ୍ତିକ ମାସ  ଗରୁଡ ଦ୍ୱାଦଶି ତିଥିରେ ତୁଳସି ଓ ନାରାୟଣଙ୍କର ବିବାହ ଉତ୍ସବ ସାକ୍ଷୀଗୋପିନାଥଙ୍କ ମନ୍ଦିର ପାଶ୍ୱର୍ରେ ଥିବା ଶ୍ରୀ ରଘୁନାଥ ମନ୍ଦିର ପରିସରରେ  ଅନୁଷ୍ଠିତ ହୋଇଯାଇଛି । ବୈଦିକ ରିତିନିତୀ ଅନୁଯାୟୀ ଶ୍ରୀରାମ ମନ୍ଦିରରେ ଚଳନ୍ତି ପ୍ରତିମା ନାରାୟଣ ସହିତ ତୁଳସିଙ୍କ ବିବାହ  ପୁରୋହିତ ଭାବେ ହରିହର ମହାପାତ୍ର ରହିଥିବା ବେଳେ ମନ୍ଦିରର ପୂଜାରୀ  ବଂଶୀଧର ପାଢୀ  ବିବାହ କାର୍ଯ୍ୟରେ ସହଯୋଗ କରିଥିଲେ  । ସତ୍ୟପିୟ ମହାପାତ୍ର  ବରପିତା ଓ ମୋହନ ପଣ୍ଡା  କନ୍ୟାପିତା ଭାବରେ ଯୋଗଦେଇଥିଲେ  । ବିବାହ କାର୍ଯ୍ୟରେ ବର କନ୍ୟାପକ୍ଷରୁ ଭଦ୍ରଲୋକ ଭାବରେ ରାମଚନ୍ଦ୍ର ନନ୍ଦ ଓ ବିଶ୍ୱନାଥ  ମହାପାତ୍ର ରହିଥିଲେ  । ବିବାହ କାର୍ଯ୍ୟସମାପର୍ଣ୍ଣ ପରେ ମହିଳା ମାନେ ହୁଳହୁଲି ପକାଇ ବନ୍ଦାପନା କରିବା ସହ ବରକନ୍ୟାଙ୍କୁ ଉପହାର ପ୍ରଦାନ କରିଥିଲେ  । ରାତ୍ରରେ ଭକ୍ତ ମାନଙ୍କ ପାଇଁ ମହାପ୍ରସାଦ ସେବନ ଆୟାଜନ କରାଯାଇଥିଲା  ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି