ଡେଲାଙ୍ଗ ବ୍ଳକରେ ଛତୁଆ ମିଶ୍ରଣ ଦିବସ ପାଳିତ

Delang News

ଡେଲାଙ୍ଗ---- ରାଜ୍ୟରେ ଅଙ୍ଗନୱାଡି କେନ୍ଦ୍ର ଗୁଡିକରେ ବଣ୍ଟନ କରାଯାଉଥିବା ଛତୁଆ ନିମ୍ନ ମାନର ବୋଲି ବିଭିନ୍ନ ସମୟରେ ଅଭିଯୋଗ ମାନ ହୋଇ ଆସୁଥିଲା  । ଏହାକୁ ରୋକିବା ପାଇଁ ସରକାର ଏବେ ରାଜ୍ୟ ସାରା ଗୋଟିଏ ତାରିଖରେ ଛତୁଆ ମିଶ୍ରଶ ଦିବସ ପାଳନ ଆରମ୍ଭ କରିଛି । ପ୍ରତି ମାସରେ ୨୩  ତାରିଖରେ ଛତୁଆ ମିଶ୍ରଣ ହେବା ସହ ପ୍ୟାକିଙ୍ଗି କରାଯିବ ।  ଡେଲାଙ୍ଗ ବ୍ଳକରେ ମିଶନ ଶକ୍ତି ମାଙ୍କ ଦ୍ୱାରା ପ୍ରସ୍ତୁତି ଛତୁଆ ପ୍ରସ୍ତୁତି ପ୍ରକିୟା ଖୁବ ପ୍ରଶଂସନୀୟ ବୋଲି ମହିଳା  ଓ ଶିଶୁ ବିକାଶ ତଥା ମିଶନ ଶକ୍ତି ଉପସଚିବ ବିଥିକା ସ୍ୱାଇଁ କହିଛନ୍ତି ।  କୋମଳମତି ଶିଶୁ, ଗର୍ଭବତୀ ଓ ପ୍ରସୂତୀ ମାନଙ୍କ ପାଇଁ ଉଚ୍ଚ ଗୁଣାତ୍ମକ ମାନର ଛତୁଆ ପ୍ରସ୍ତୁତି କରିବା ଲକ୍ଷ୍ୟ ନେଇ ରାଜ୍ୟ ସରକାର ପ୍ରତି ମାସ ୨୩ ତାରିଖରେ ସମସ୍ତ ଛତୁଆ ପ୍ରସ୍ତୁତି କେନ୍ଦ୍ରରେ ବିଭାଗୀୟ ଅଧିକାରୀଙ୍କ ଉପସ୍ଥିତିରେ ଛତୁଆ ମିଶ୍ରଣ ପ୍ରକିୟା କରାଯାଇଛି । ଡେଲାଙ୍ଗ ବ୍ଳକର ମିଶନ ଶକ୍ତି ମହିଳା ମହାସଂଗର ବଅଙ୍ଗ ସ୍ଥିତଛତୁଆ ପ୍ରସ୍ତୁତି କେନ୍ଦ୍ରରେ ଡେଲାଙ୍ଗ ବ୍ଳକ ସିଡିପିଓ କାମିନୀ ପ୍ରଭା ସ୍ୱାଇଁଙ୍କ ତତ୍ୱବଧାନରେ ଛତୁଆ ମିଶ୍ରଣ ପର୍ବ ପାଳିତ ହୋଇଯାଇଛି । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ସମାଜ ମଙ୍ଗଳ ଅଧିକାରୀ ପୁଷ୍ୱାଞ୍ଜଳି ମହାପାତ୍ର, ସୁପରଭାଇଜର ଶାନ୍ତିଲତା ବାରିକ, ସଂଘମିତ୍ରା ବେହେରା, ସରୋଜିନି ବେହେରା, ଓ ମିଶନ ଶକ୍ତି ଜି୍ଲ୍ଲା ପ୍ରକଳ୍ପ ସଂଯୋଜିକା ଆରତୀ ସାହୁ ଓ ବ୍ଳକ ପ୍ରକଳ୍ପ ସଂଯୋଜିକା ନନ୍ଦିତା ସ୍ୱାଇଁ , ଡେଲାଙ୍ଗ ବ୍ଳକର ମିଶନ ଶକ୍ତିର ମହାସଂଗର ସମ୍ପାଦିକା ବାସନ୍ତୀ ସାହୁ ଙ୍କ ଉପସ୍ଥିତିରେ ଭଗା ଯାଇଥବା ଗହମ, ବୁଟ, ବାଦାମ ଓ ଚିନି ନିୟମ ଅନୁଯାୟୀ ମିଶ୍ରଣ କରାଯାଇ ଛତୁଆ ପ୍ରସ୍ତୁତି କରାଯାଇଥିଲା ନିଦ୍ଧିଷ୍ଟ ତାରିଖରେ ଏହି ଛତୁଆ ଗୁଡିକ ପ୍ରତି ଅଙ୍ଗନୱାଡି କେନ୍ଦ୍ରରେ ପହଞ୍ଚାଇ ଦିଆଯିବ ବୋଲି ସଂଘର ସଭାପେତ୍ରୀ ବିଦ୍ୟଲତା ସ୍ୱାଇଁ କହିଛନ୍ତି ।
 ଡେଲାଙ୍ଗରୁ ଧୀରେନ୍ଦ୍ର ସେନାପତି