ଅତାବିରାରେ ଅଗ୍ରସେନ ଜୟନ୍ତୀ ପାଳିତ

Atabira news

  ବରଗଡ଼-----      ବରଗଡ଼ ଜିଲ୍ଲା ଅତାବିରାରେ ଅଗ୍ରସେନ ସମିତି ପକ୍ଷରୁ ବଡ଼ ଧୁମଧାମରେ ପାଳିତ ହୋଇଯାଇଛି ଅଗ୍ରସେନ ଜୟନ୍ତୀ। ଏହି ଅବସରରେ ସ୍ଥାନୀୟ ଦୁର୍ଗା ମନ୍ଦିରରୁ ବିଭିନ୍ନ ବାଦ୍ୟ ବଜାଇ ଏକ ବିଶାଳ ଶୋଭାଯାତ୍ରା ବାହାରିଥିଲା। ଅଗ୍ରସେନ ରାଜାଙ୍କୁ ଏକ ସୁସଜ୍ଜିତ ରଥରେ ସାଜଶଯ୍ୟା କରି ସ୍ଥାନୀୟ ଦୁର୍ଗା ମନ୍ଦିରରୁ ମହାରାଷ୍ଟ୍ର ଓ ରାୟପୁର ର ଢୋଲକୀ ବାଦ୍ୟ ବ୍ୟାଣ୍ଡ ବାଜା ସହ ଝଣ୍ଡା ଉଚ୍ଚାରେ ପରିକ୍ରମା କରି ଅଗ୍ରସେନ ଭବନ ଠାରେ ପହଞ୍ଚି ଥିଲା। ଏହା ପୂର୍ବରୁ  ବିଭିନ୍ନ ପ୍ରତିଯୋଗିତାରେ ପ୍ରଥମ, ଦ୍ଵିତୀୟ,ତୃତୀୟ ସ୍ଥାନ ଅଧିକାର କରିଥିବା ଶିଶୁ,ମହିଳା,ବୃଦ୍ଧା ବ୍ୟକ୍ତି ବିଶେଷଙ୍କୁ ମାନପତ୍ର ସହ ଟ୍ରଫି ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମକୁ ଜାଗୃତି ଶାଖା, ମହିଳାମଞ୍ଚ ଯୁବମଞ୍ଚ, ମାରୱାଡି ସଂବେଳନ ଓ ଅଗ୍ରସେନ ଭବନ ସମିତିର ସମସ୍ତ ସଭାପତି,ସଂପାଦକ ତଥା ସମସ୍ତ କର୍ମକର୍ତ୍ତା ସକ୍ରିୟ ସହଯୋଗ କରିଥିବାବେଳେ ସନ୍ଧ୍ୟାରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଏହାକୁ ଦେଖିବା ପାଇଁ ବହୁ ଜଣସାଧିରଣ ଯୋଗଦେଇଥିଲେ ।

 ବରଗଡ଼ ଜିଲ୍ଲାରୁ ନବୀନ ଦାଶଙ୍କ ରିପୋର୍ଟ