ଭକ୍ତମାନଙ୍କୁ ସର୍ବନିମ୍ନ ସୁବିଧା ପ୍ରଦାନ ସଂକ୍ରାନ୍ତୀୟ ବୈଠକ ଅନୁଷ୍ଠିତ।

ପୁରୀ------- ଶ୍ରୀମନ୍ଦିର ଦର୍ଶନରେ ଆସୁଥିବା ଭକ୍ତମାନଙ୍କୁ ଅଧିକ ସୁବିଧା ପ୍ରଦାନ ପାଇଁ ଜିଲ୍ଲା ପ୍ରଶାସନ ପଦକ୍ଷେପ ଗ୍ରହଣ କରିଛନ୍ତି। ଶୈଚାଳୟ, ପାନୀୟ ଜଳ ଓ ଅଧିକ ସଂଖ୍ୟକ ଜୋତା ଏବଂ ମୋବାଇଲ ଷ୍ଟାଣ୍ଡର ବ୍ୟବସ୍ଥା କରାଯିବ। ଖରାଦାଉରୁ ରକ୍ଷା ପାଇବା ପାଇଁ ପାଦ ଚଲା ପଥରେ ଜୋତା ଷ୍ଟାଣ୍ଡ ଠାରୁ କାରପେଟ୍ ଵିଛାଯିଵ। ଏ ସଂକ୍ରାନ୍ତରେ ଏକ ବୈଠକ ଜିଲ୍ଲାପାଳ ଶ୍ରୀ ଵଲୱନ୍ତ ସିଂଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି ସର୍ବନିମ୍ମ ସୁବିଧା ପାଇଁ କାର୍ଯ୍ୟ ଆରମ୍ଭ କରିବାକୁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ସୁଲଭ ପକ୍ଷରୁ ଶୈଚାଳୟ ନିର୍ମାଣ କରାଯିବ। ପରିକ୍ରମା ମାର୍ଗରୁ ଅବରୋଧ ହଟାଯିଵ । ନିର୍ଦିଷ୍ଟ ଗାଡ଼ି ବ୍ୟତୀତ ଅନ୍ୟ ଦୁଇ ଚକିଆ ଗାଡ଼ି ଗୁଡ଼ିକୁ ବ୍ୟାରିକେଡ଼ିଂ ମଧ୍ୟକୁ ଛଡାଯିବ ନାହିଁ। ମନ୍ଦିର ଚତୁଃପାଶ୍ୱର୍ରେ  ଘୋଷଣା ପାଇଁ ଡ଼ାକବାଜି ଯନ୍ତ୍ରର ବ୍ୟବସ୍ଥା କରାଯିବ। ଶ୍ରୀମନ୍ଦିର ପ୍ରଶାସନ ପକ୍ଷରୁ ସକାଳ ୬ ଠାରୁ ୭ ପର୍ଯ୍ୟନ୍ତ ଏବଂ ସନ୍ଧ୍ୟା ୫ ଘଟିକା ଠାରୁ ୭ ଘଟିକା ପର୍ଯ୍ୟନ୍ତ ଜଗନ୍ନାଥ ଭଜନ ପୁରାଣ ପରିବେଷଣ କରାଯିବାକୁ ନିର୍ଦ୍ଦେଶ ଦିଆଯାଇଛି। ଆସନ୍ତା ରାଇ ଦାମୋଦର ବ୍ରତ କୁ ଦୃଷ୍ଟିରେ ରଖି ଭକ୍ତ ମାନେ ସୁବିଧା ପାଇଁ ପ୍ରାୟ ୭୦୦ ଵୁଲା ଗାଈଗୋରୁ ମାନଙ୍କୁ ଅନ୍ୟତ୍ର ସ୍ଥାନାନ୍ତର କରାଯିବା ପାଇଁ ବୈଠକରେ ନିଷ୍ପତ୍ତି ନିଆଯାଇଛି। ସେହିପରି ଆସନ୍ତା ମାସରେ ଅଢେ଼ଇ ସହ ବୁଲା କୁକୁରଙ୍କୁ ବନ୍ଧ୍ୟାକରଣ କରାଯିବ। ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଆରକ୍ଷୀ ଅଧିକ୍ଷକ ଡ଼ଃ ଉମାଶଙ୍କର ଦାସ,ଉପ ଜିଲ୍ଲାପାଳ ଭଵତାରଣ ସାହୁ ପୁରୀ ପୈରସଂସ୍ଥା ନିର୍ବାହୀ ଅଧିକାରୀ ଶ୍ରୀ ବିଜୟ କୁମାର ଦାସ ଆଦି ପ୍ରମୁଖ ଉପସ୍ଥିତ ଥିଲେ। 

puri news

ପୁରୀରୁ ଜୟନ୍ତ କୁମାର ସେଠୀ