ହାଟଡ଼ିହି----ହାଟଡିହି ବ୍ଲକ ବଞ୍ଚୋ ବରାହୀ ହାଇସ୍କୁଲ ଠାରେ ବ୍ଳକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ସଭାପତି ତଥା ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଆଲାମଣୀ ସେଠୀ ଅଧ୍ରକ୍ଷତା କରିଥିବା ବେଳେ ପୁର୍ବତନ ପ୍ରଧାନ ଶିକ୍ଷକ ସନାତନ ଓଝା ବିଜ୍ଞାନ ମେଳାକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏଥିରେ ୨୩ଟି ବିଦ୍ୟାଳୟର ଛାତ୍ରଛାତ୍ରୀ ଭାଗ ଅଂଶଗ୍ରହଣ କରିଥିଲେ । ବିଚାରକ ଭାବେ ପଦାର୍ଥ ବିଜ୍ଞାନ ଅଧ୍ୟାପକ ପୁର୍ଣ୍ଣଚନ୍ଦ୍ର ବେହେରା, ରସାୟନ ବିଜ୍ଞାନ ଅଧ୍ୟାପିକା ଲିପସା ପ୍ରୀୟଦର୍ଶନୀ ବେହେରା, ପ୍ରାଣୀବିଜ୍ଞାନ ଅଧ୍ୟାପିକା ମହେଶ୍ୱତା ଶର୍ମା ପ୍ରମୁଖ ଯୋଗଦେଇ ଶ୍ରେଷ୍ଠ ପ୍ରକଳ୍ପ ଚୟନ କରିଥିଲେ । ଏଥିରେ ଭାନୁପ୍ରଭା ହାଇସ୍କୁଲ ଜମ୍ଭରାରର ଛାତ୍ରୀ ଋତୁପର୍ଣ୍ଣା ପ୍ରୀୟଦର୍ଶନୀ ଦାସ ଶ୍ରେଷ୍ଠକୃତୀ ଛାତ୍ରୀ ଭାବେ ମନୋନୀତ ହୋଇଥିଲେ । ହାଇସ୍କୁଲର ସମସ୍ତ ଶିକ୍ଷକ ଶିକ୍ଷୟତ୍ରୀ ଓ କର୍ମଚାରୀ ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
ହାଟଡିହିରୁ ବିକାଶ ବିଶ୍ବାଳଙ୍କ ରିପୋର୍ଟ
