ଭାରତ ବିକାଶ ପରିଷଦ ସତ୍ୟବାଦୀ ଶାଖା ଆନୁକୁଲ୍ୟରେ ବାଲ ସଂସ୍କାର କାର୍ଯ୍ୟକ୍ରମ ଅନୁଷ୍ଠିତ

ସାକ୍ଷୀଗୋପାଳ --- ସତ୍ୟବାଦୀ ଉଚ୍ଚ ବିଦ୍ୟାଳୟ ପରିସରରେ ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀର ଛାତ୍ର ଛାତ୍ରୀ ମାନଙ୍କୁ ନେଇ ଏକ ବାଲ ସଂସ୍କାର କାର୍ଯ୍ୟକ୍ରମ ଅନୁଷ୍ଠିତ ହୋଯାଇଛି। ପ୍ରଥମେ ପୁଣ୍ୟାତ୍ମା ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣକରାଯିବା ସହିତ ଗଣେଶଙ୍କ ନିକଟରେ ପ୍ରଦୀପ ପ୍ରଜ୍ବଳନ ଏବଂ ଭାରତମାତା ଓ ସ୍ଵାମୀ ବିବେକାନନ୍ଦଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ସାମୁହିକ ବନ୍ଦେମତରମ୍ ଗାନ କରାଯାଇ ଥିଲା। ଏହି କାର୍ଯକ୍ରମ କୁ ଉଦଘାଟନ କରିଥିଲେ ବିଦ୍ୟାଳୟର ପ୍ରଧାନ ଶିକ୍ଷ ୟାତ୍ରି ଶ୍ରୀମତି ଅମିତା ସେନାପତି ଓ ସଭାରେ ସଭାପତିତ୍ବ କରିଥିଲେ ସମ୍ପର୍କ ସଚିବ ନବଘନ ଶତପଥୀ। ସମାଜରେ ତଥା ଛାତ୍ର ଛାତ୍ରୀ ମାନଙ୍କ ମଧ୍ୟରେ ସୁସଂସ୍କର ଆଣିବା ପାଇଁ ଏହା ଏକ ପ୍ରୟାସ। ପୁରାତନ ସଭ୍ୟତାର ଦେଶ ଆମ୍ଭର ଏହି ଭାରତ ବର୍ଷର ମହାନ୍ ସଂସ୍କୃତି, ପରମ୍ପରା ଓ ବିଚାରଧାରା କୁ ବଞ୍ଚାଇ ରଖିବା ଏହାର ଉଦେଶ୍ୟ।ତେଣୁ ପିଲାମାନଙ୍କ ସହିତ ସୈଖିକ ବାତାବରଣ ମାଧ୍ୟମରେ ଏହା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟ କ୍ରମ ମାଧ୍ୟମରେ ବେଦ, ଉପନିଷଦ,ଗୀତା, ଭାଗବତ,ରାମାୟଣ, ମହାଭାରତ, ଦିନଚର୍ଯ୍ୟା, ଯୋଗ, ପ୍ରାଣା ୟମ,ଗୁରୁଭକ୍ତି ଆଦି ବିଷୟରେ ବକ୍ତାମାନେ ଆଲୋକପାତ କରିଥିଲେ।ବିଶିଷ୍ଟ ବ୍ୟକ୍ତି ମାନଙ୍କ ମଧ୍ୟରେ ଭାରତ ବିକାଶ ପରିଷଦ ର ରାଜ୍ୟ ସଭାପତି ସତ୍ୟବାଦୀ ଦାସ, ବିଦ୍ୟାଳୟ କମିଟି ସଭାପତି ଚକ୍ରଧର ମହାରଣା,ସଂସ୍କୃତ ବିଦ୍ୱାନ ମନମୋହନ ଦଳାଇ, ସେବା ସଚିବ ଦେବରାଜ ନାୟକ, ମହିଳା ସଚିବ ରିତା ତ୍ରିପାଠୀ, ବିଶାଖା ଦେବୀ, ଅନ୍ନଦା ସୁଆର, ସବିତା ବିଶ୍ଵାଳ, କୁଇଜ୍ ମାଷ୍ଟର ଦିଗନ୍ତ ପତି, ବୃକ୍ଷ ପ୍ରେମୀ ସଂଗ୍ରାମ ମହାପାତ୍ର ଏଥିରେ ଭାଗ ନେଇଥିଲେ। ସହଯୋଗ କରିଥିଲେ ବିଦ୍ୟାଳୟର ବରିଷ୍ଠ ଶିକ୍ଷୟତ୍ରୀ ବୈଜୟନ୍ତୀ ମିଶ୍ର, ନିହରିକା ସେନାପତି,ସୁଚିତ୍ରା ଖଟାଇ ଓ ବସନ୍ତ କୁମାର ସ୍ବାଇଁ। ଏ ସମସ୍ତ କାର୍ଯ୍ୟ କ୍ରମକୁ ସଂଯୋଜନା କରିଥିଲେ ପରିଷଦର ସଚିବ ବିଜୟ କୁମାର ପରିଡ଼ା। କୁଇଜ୍ ପ୍ରତିଯୋଗିତା ମାଧ୍ୟମରେ ପିଲାମାନଙ୍କୁ ଗୀତା ବହି ଓ କଲମ ବଣ୍ଟନ କରାଯାଇଥିଲା। ଶେଷରେ ରାଷ୍ଟ୍ରୀୟ ଗାନ କରାଯିବା ସହିତ ବିଦ୍ୟାଳୟ ପରିସରରେ ପନ୍ଦର ଗୋଟି ଫୁଲ ଚାରା ରୋପଣ କରାଯାଇ ପର୍ଯ୍ୟାବରନ୍ ସୁରକ୍ଷାର ବାର୍ତ୍ତା ପ୍ରଦାନ କରାଯାଇଥିଲା। ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୮/୭/୨୦୨୫---୮,୧୫ Sakhigopal News,28/7/2025