ଜଟଣୀ :ପବିତ୍ର ଗଣେଶ ପୂଜା ଉତ୍ସବ ଜଟଣୀର ଅନ୍ୟତମ ସାଂସ୍କୃତିକ ଓ ଭାଇଚାରାର ଉତ୍ସବ । ପୂଜା ପାଖେଇ ଆସିଲେ ଚଳ ଚଞ୍ଚଳ ହୋଇଉଠେ ସମଗ୍ର ସହର l ଚତୁର୍ଥୀ ଠାରୁ ଆରମ୍ଭ ହୋଇ ଇନ୍ଦୁ ପୂର୍ଣିମା ଦିନ ବିଭିନ୍ନ ସ୍ଥାନରେ ପୂଜା ପାଉଥିବା ଠାକୁର ମାନେ ବିସର୍ଜନ ହୁଅନ୍ତି l ଜଟଣୀ ଗଣେଶ ପୂଜାର ଅନ୍ୟତମ ବିଶେଷତଃ ହେଲା ଏଠାରେ ଗଶେଶଙ୍କ ସହ ମା ଲକ୍ଷ୍ମୀ ଓ ସରସ୍ଵତୀ ଏକତ୍ର ପୂଜା ପାଆନ୍ତି l ସହରର ମୁଖ୍ୟ ପୂଜା ପେଣ୍ଡାଲ ଗୁଡିକ ହେଲା ଯଥାକ୍ରମେ କୁଦିଆରୀ ବଜାର, ନୀଳଚକ୍ର ମାର୍କେଟ, ମାଛ ଓ ପରିବା ମାର୍କେଟ, ଗୋଲେଇ ମାର୍କେଟ, ଗୋପବନ୍ଧୁ ବଜାର, ରାଜାବଜାର, ପୋଷ୍ଟ ଅଫିସ ଛକ, ସୀତାରାମ ଛକ, ବଡ଼ ବଜାର, ହାଟ ବଜାର, ଥାନା ଛକ, ମହୁଲ ଗୁଡ଼ିଆ ଛକ, ହରି ଭାଇନା ଛକ, ଖୁଦୁପୁର ଛକ ଆଦି ସ୍ଥାନରେ ତୋରଣ ସାଙ୍ଗକୁ ଆକର୍ଷଣୀୟ ବିଦ୍ୟୁତ ସାଜସଜା ବେଶ ଆକର୍ଷଣୀୟ ହୋଇଥିବା ଦେଖିବାକୁ ମିଳିଛି l ଏଥି ସହ ଭିନ୍ନଭିନ୍ନ ମଣ୍ଡପରେ ପ୍ରତ୍ୟେକ ଦିନ ବିଭିନ୍ନ ପ୍ରକାର ଭୋଗ ଲାଗି ହୁଏ l ସବୁ ପୂଜା ମଣ୍ଡପ ନିକଟରେ ପରିଷ୍କାର ପରିଚ୍ଛନ୍ନତା ପାଇଁ ନଗର ପାଳିକା ପକ୍ଷରୁ ସ୍ଵତନ୍ତ୍ର ବ୍ୟବସ୍ଥା କରlଯାଇଛି l ଦୀର୍ଘ ଦଶ ଦିନ ଧରି ଛୋଟ ବଡ଼ ହୋଇ ୧୦୦ ରୁ ଉର୍ଦ୍ଧ ପୂଜା ମଣ୍ଡପରେ ପ୍ରଭୁ ଗଜାନନ ପୂଜା ପାଉଥିଲେହେଁ ସ୍ୱୀକୃତି ପ୍ରାପ୍ତ ୧୮ ଟି ବଜାର କମିଟିର ମଣ୍ଡପ ଗୁଡିକୁ ପ୍ରାଧ୍ୟାହ୍ନ ଦିଆଯାଇଥାଏ l ଏହି ପରିପ୍ରେକ୍ଷୀରେ କଳିଙ୍ଗ ଯୁବ ପରିଷଦ ଆନୁକୂଲ୍ୟରେ ଓଡ଼ିଶାର ଲୋକକଳା, ସଂସ୍କୃତି ଓ ପରମ୍ପରା କୁ ପ୍ରାଧ୍ୟାହ୍ନ ଦେଇ ବିଗତ ବର୍ଷ ମାନଙ୍କ ପରି ଚଳିତ ବର୍ଷ ମଧ୍ୟ ସ୍ଥାନୀୟ ଶରତ ପାଇକରାୟ ଷ୍ଟାଡିଅମରେ ଗଣେଶ ମହୋତ୍ସବ ବୁଧବାର ସନ୍ଧ୍ୟା ସମୟରୁ ଉଦଘାଟିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ,ଜିଲ୍ଲା ବିଜେପି ସଭାପତି ବିଶ୍ୱରଂଜନ ବଡ଼ଜେନା ପ୍ରମୁଖ ଯୋଗ ଦେଇଥିଲେ l ଏହି ମହୋତ୍ସବ ସେପ୍ଟେମ୍ବର ୭ ତାରିଖ ପର୍ଯ୍ୟନ୍ତ ଜମିବ l
ମହୋତ୍ସବ ପଡିଆ ପରିସରରେ ଖାଦ୍ୟ ପେୟ, ଚଟପଟି ଷ୍ଟଲ, ଖେଳନା, ବିଦ୍ୟୁତ ଉପକରଣ, ଘରକରଣା ଭଳି ପ୍ରାୟ ଦୁଇ ଶହରୁ ଉର୍ଦ୍ଧ ଷ୍ଟଲ, ଗାଡିମୋଟର ଷ୍ଟାଣ୍ଡ, ମୀନାବଜାର, ନାମିଦାମୀ ଯାତ୍ରାପାର୍ଟି ପଡିବା ସହିତ ଦର୍ଶକ ମାନଙ୍କ ମନୋରଞ୍ଜନ ନିମିତ୍ତ ପ୍ରତ୍ୟେକ ସନ୍ଧ୍ୟାରେ ସାଂସ୍କୃତିକ ଓ ମନୋରଞ୍ଜନ ଭିତ୍ତିକ ନାଚ ଗୀତ ପରିବେଷଣ ପାଇଁ ସ୍ୱତନ୍ତ୍ର ପେଣ୍ଡାଲ ନିର୍ମାଣ ହୋଇଥିବା ଦେଖିବାକୁ ମିଳିଛି l ସହରରେ ଶାନ୍ତି ଶୃଙ୍ଖଳା ରକ୍ଷା ନିମିତ୍ତ ସମସ୍ତ ଛକ ଓ ପୂଜା ମଣ୍ଡପ ନିକଟରେ ପୁଲିସ କର୍ମଚାରୀ ମୁତୟନ କରାଯାଇଛି ବୋଲି ଥାନାଧିକାରୀ ଷ୍ଟାଲିନ ବିଶ୍ୱାଳ କହିଛନ୍ତି l ମେଘୁଆ ପାଗ ସତ୍ୱେ ପ୍ରଥମ ଦିନରୁ ଖଚାଖଚ ଭିଡ ପରିଲକ୍ଷିତ ହୋଇଛି l
ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨୭/୮/୨୦୨୫---୯,୪୫ Sakhigopal News,27/8/2025
