Breaking News

ୟୁ ବି ହାଇସ୍କୁଲରେ ସ୍କାଉଟ ରାଜ୍ୟ ପୁରସ୍କାର ପ୍ରସ୍ତୁତି ଶିବିର ଓ ଜାତୀୟ ଖେଳ ଦିବସ


ଭଂଜନଗର-----
ଆଜି ସ୍ଥାନୀୟ ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟରେ ଭାରତ ସ୍କାଉଟ ଏବଂ ଗାଇଡ଼ ରାଜ୍ୟ ପୁରସ୍କାର ପ୍ରସ୍ତୁତି ଶିବିର ଓ ଜାତୀୟ ଖେଳ ଦିବସ ପାଳିତ ହୋଇଯାଇଛି ।  ଗଂଜାମ ଜିଲା ଶିକ୍ଷା ଅଧିକାରୀ ତଥା ଜିଲା ସ୍କାଉଟ ଏବଂ ଗାଇଡ଼ ସଭାପତି ଓ ସମ୍ପାଦକଙ୍କ ନିର୍ଦ୍ଦେଶ କ୍ରମେ ଏହି ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ  ଆଖ ପାଖ ବିଭିନ୍ନ ବିଦ୍ୟାଳୟରୁ ୬୨ ଜଣ ସ୍କାଉଟ ଏବଂ ୫୪ ଜଣ ଗାଇଡ଼ ଯୋଗ ଦେଇ ଥିଲେ । ନଟିଙ୍ଗ , ବ୍ୟାଣ୍ଡେଜ , ଏଷ୍ଟିମେସନ , ସ୍କାଉଟ ଏବଂ ଗାଇଡ଼ର ଇତିହାସ , ପ୍ରାଥମିକ ଚିକିତ୍ସା , ପ୍ରତିକୂଳ ପରିସ୍ଥିତିର ମୁକାବିଲା ,ଉନ୍ନତ ଚରିତ୍ର ଗଠନରେ  ସ୍କାଉଟ ଏବଂ ଗାଇଡ଼ର ଭୂମିକା ଆଦି ବିଷୟରେ ତାଲିମ ଦିଆ ଯାଇଥିଲା । ଏହି ରାଜ୍ୟ ପୁରସ୍କାର ପ୍ରସ୍ତୁତି ଶିବିରରେ ଗଂଜାମ ଜିଲା ସ୍କାଉଟ୍ ଗାଇଡ୍ ସଂଗଠନ କମିଶନର ତଥା ଶେରଗଡ଼ ଗୋଷ୍ଠୀ ଶିକ୍ଷା ଅଧିକାରୀ ଲକ୍ଷ୍ମୀ ନାରାୟଣ ପଣ୍ଡା , ଜିଲା ସଂଯୋଜକ ତଥା ଡି ପି ଏସ ଏସ ର ଶିକ୍ଷକ ରାଜେଶ ପାତ୍ର , ସ୍କାଉଟ ମାଷ୍ଟର ହୃଷୀକେଶ ନାୟକ ଆଦି ତାଲିମ ଦେଇ ଥିଲେ  ।  ଉଦ୍ଘାଟନୀ ଉତ୍ସବରେ  ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୀପ ପ୍ରଜ୍ଜ୍ୱଳନ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ବିଦ୍ୟାଳୟର ବରିଷ୍ଠ ଶିକ୍ଷକ ଉମାକାନ୍ତ ନାହାକ ସ୍କାଉଟ ଏବଂ ଗାଇଡ଼ର ପତାକା ଉତ୍ତୋଳନ କରିଥିଲେ । ସମସ୍ତ  ସ୍କାଉଟ ଏବଂ ଗାଇଡ଼ ସକାଳେ ଜଳପାନ ଓ ମଧ୍ୟାହ୍ନ ଭୋଜନର ମଜା ନେଇଥିଲେ  । ପରେ ପରେ ବିଦ୍ୟାଳୟର କ୍ରୀଡା ଶିକ୍ଷୟିତ୍ରୀ ତଥା ଗାଇଡ଼ କ୍ୟାପଟେନ ସ୍ୱପ୍ନେଶ୍ୱରୀ ଦିଗାଲଙ୍କ ପ୍ରତ୍ୟକ୍ଷ ତତ୍ୱାବଧାନରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ସମସ୍ତ ଅତିଥି ଓ ବିଦ୍ୟାଳୟର ଉପସ୍ଥିତ ସମସ୍ତ ଶିକ୍ଷକ  ଶିକ୍ଷୟିତ୍ରୀ ଯୋଗ ଦେଇ ଆଜିର ଦିବସର ତାତ୍ପର୍ଯ୍ୟ ଓ ବିସ୍ମୟକର ପ୍ରତିଭା ମେଜର ଧ୍ୟାନଚାନ୍ଦଙ୍କ ବିଷୟରେ ଛାତ୍ର ଛାତ୍ରୀଙ୍କୁ ଅବଗତ କରାଇଥିଲେ  । ଏହି  ସମସ୍ତ କାର୍ଯ୍ୟ କ୍ରମରେ ଶିକ୍ଷକ ପ୍ରଶାନ୍ତ କୁମାର ପ୍ରଧାନ, ବିଳାସିନୀ ଜେନା, ଲିପ୍ସା ପ୍ରଧାନ, ସ୍କାଉଟ୍ ମାଷ୍ଟର ଶଙ୍କର ପ୍ରସାଦ ପଟ୍ଟନାୟକ, ସ୍କାଉଟ୍ ମାଷ୍ଟର ଦୁର୍ଗା ପ୍ରସାଦ ମିଶ୍ର ପ୍ରମୁଖ ସକ୍ରିୟ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ସକ୍ରିୟ ଅଂଶ ଗ୍ରହଣ କରିଥିବା ସମସ୍ତ ସ୍କାଉଟ୍ ମାଷ୍ଟର , ଗାଇଡ୍ କ୍ୟାପଟେନ୍ ଓ  ତାଲିମ୍ ଦାତାଙ୍କୁ ପ୍ରଧାନ ଶିକ୍ଷକ ସାଧୁବାଦ ଜ୍ଞାପନ କରିଥିଲେ। ଧ୍ବଜାବତରଣ ପରେ ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟର ଶିକ୍ଷକ ଶ୍ୟାମା ପ୍ରସାଦ ମିଶ୍ର ଧନ୍ୟବାଦ ଅର୍ପଣ କରିଥିଲେ। ଭଞ୍ଜନଗର ରୁ ରବୀନ୍ଦ୍ର ପ୍ରଧାନ ଙ୍କ ରିପୋର୍ଟ,୨୯/୮/୨୦୨୫----୮,୩୫ Sakhigopal News,29/8/2025

Blog Archive

Popular Posts