ସତ୍ୟବାଦୀ ବ୍ଳକରେ ଭୁତ ନେଉଛି ରାଶନ ସାମଗ୍ରୀ ; ତଦନ୍ତ ପରେ ଡିଲରଙ୍କ ଲାଇସେନ୍ସ ରଦ୍ଦ

 ସାକ୍ଷୀଗୋପାଳ---- ପୁରୀ ଜିଲ୍ଲାର ସତ୍ୟବାଦୀ ବ୍ଳକର ଶ୍ରୀରାମଚନ୍ଦ୍ରପୁର ଗ୍ରାମରେ ଭୁତ ନେଉଛି ରାଶନ ସାମଗ୍ରୀ ସମ୍ପର୍କେ  ସର୍ବସାଧାରଣ ଖବର କାଗଜରେ ପ୍ରକାଶିତ ହୋଇଥିଲା  । ତାପରେ ପରେ ଅନ୍ୟ ଖବର କାଗଜ ସହ ବ୍ରେଦ୍ୟୁତିକ ଜ୍ୟାନେଲ ଗୁଡିକରେ ଏହି ସମ୍ପର୍କେ ତଥ୍ୟ ପ୍ରସାରିତ ହୋଇଥିଲା  । ସୁଚନାଯୋଗ୍ୟ ଯେ ୨୦-୭/୧୯ ରିଖରେ ପତ୍ରସଂଖ୍ୟା ୧୧/୨୦୧୯ରେ ପଞ୍ଚାୟତର ସମିତିସଭ୍ୟ କୃଷ୍ଣ ପ୍ରସାଦ ତ୍ରିପାଠୀ ସମସ୍ତ ପ୍ରମାଣ ସହ ଉପଜିଲ୍ଲାପାଳ, ବିଡିଓଙ୍କୁ ଜଣାଇଥିଲେ  ।  ମାତ୍ର ତାଙ୍କ ଅଭିଯୋଗ ନାଲିଫିତା ତଳେ ଚାପି ହୋଇଯାଇଥିଲା  । ବିଭିନ୍ନ ଗଣ ମାଧ୍ୟମରେ ଭୁତ ନେଉଛି ରାଶନ ସାମଗ୍ରୀ ଖବର ପ୍ରକାଶିତ ହେବାପରେ ଯୋଗାଣ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଥିଲା  । ସୁଚନା ଯୋଗ୍ୟ ଯେ  ସତ୍ୟବାଦୀ ବ୍ଳକ ଯୋଗାଣ ନୀରିକ୍ଷକଙ୍କୁ  ତଦନ୍ତ କରି ରିର୍ପୋଟ ଦେବାକୁ ଉପଜିଲ୍ଲାପାଳ ନିର୍ଦ୍ଦେଶ ଦେଇଥିଲେ  । ବ୍ଳକ ଯୋଗାଣ ଅଧିକାରିଣୀଙ୍କ ରିର୍ପୋଟକୁ ଓ ରାଶନ ସାମଗ୍ରୀ ଲୁଟ କରାଯାଉଥବା ପ୍ରମାଣକୁ ଆଧାରକରି ଦାମୋଦର ସାହୁ ଡିଲରଙ୍କ ଲାଇସେନ୍ସ ରଦ୍ଦ ଉପଜିଲ୍ଲାପାଳ କରିଥିବା ଜଣାପଡିଛି । ଏବଂ ତୁରନ୍ତ ପାଖରେ ଥିବା ଡିଲରଙ୍କୁ ଟ୍ୟାଗ କରାଯାଇ ରାଶନ ସାମଗ୍ରୀ ବଣ୍ଟନ କରାଯିବାର ବନ୍ଦୋବସ୍ଥ କରାଯାଉଛି ବୋଲି ଉପଜିଲ୍ଲାପାଳ ଭବତାରଣ ସାହୁଙ୍କ ଠାରୁ ସୁଚନା ମିଳିଛି । ମାତ୍ର ପଞ୍ଚାୟତର ସମିତିସଭ୍ୟ ଓ ଜନସାଧାରଣ କହନ୍ତି ଜଣେ ଡିଲର ଏତେ ଦିନ ହେବ ମରିଯାଇଥବା ଓ ଗ୍ରାମରେ ନଥିବା ବ୍ୟକ୍ତି ବିଶେଷ ମାନଙ୍କର ରାଶନ ସାମଗ୍ରୀ ଲୁଟ କରି ଚାଲିଥିଲେ ମଧ୍ୟ ବ୍ଳକ ଯୋଗାଣ ଅଧିକାରିଣୀ ଏ ସମ୍ପର୍କରେ କିଛି ଜାଣି ପାରିଲେ ନାହିଁ ନା ନିଜେ ସୁରକ୍ଷିତ ରହିବା ପାଇଁ ସବୁ ଦୋଷ ଡିଲରଙ୍କ ଉପରେ ଲଦି ଦିଆଯାଇଛି ତାହା ଏବେ ପ୍ରଶ୍ନ ସୃଷ୍ଟି କରିଛି  । ଅନ୍ୟପକ୍ଷେ ଯେଉଁମାନେ ରାଶନ ସମାଗ୍ରୀ ନିଦ୍ଦିଷ୍ଟ ମାସରେ ନ ନେଇ ପାରୁଛନ୍ତି ସେମାନଙ୍କ ରାଶନ ସମାଗ୍ରୀ ସରକାରଙ୍କ ପାଖକୁ ଯାଉଛି ନା ଡିଲର ଓ ଯୋଗାଣ ଅଧିକାରିଣୀ ଖାତାକୁ ଯାଉଛି ତାହା ଏବେ ତଦନ୍ତ ସାପେକ୍ଷ ବୋଲି ସତ୍ୟବାଦୀ ଜନସାଧାରଣଙ୍କ ପକ୍ଷରୁ ଅଭିଯୋଗ ହୋଉଛି  । ମାର ମାର ଭଣ୍ଡାରିଆକୁ ମାର ଆଇନରେ ଏପରି କରାଯାଇଛି ବୋଲି କେତକ ଡିଲର ମାନେ ଆଲେଚନା କରୁଥିବା ଜଣାପଡିଛି । ସଠିକ ତଦନ୍ତ କରି ଡିଲର ଓ ବ୍ଳକ ଯୋଗାଣ ଅଧିକାରିଣୀଙ୍କ ବିରୁଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇଁ ଜନସାଧାରଣଙ୍କ ପକ୍ଷରୁ ଦାବୀ ହୋଉଛି  । 
ସାକ୍ଷୀଗୋପାଳରୁ ଧୀରେନ୍ଦ୍ର କୁମାର ସେନାପତି