କାର ଚଡିଗଲା ରୋଡ ଡିଭାଇଡର ଉପରେ

Sakhigopal news

ସାକ୍ଷୀଗୋପାଳ----- ସତ୍ୟବାଦୀ  ବ୍ଳକ ଛକରେ ବୁଧବାର ଅପରାହ୍ନରେ ଏକ କାର ରୋଡ ଡିଭାଇଡର ଉପରେ ଚଡିଯାଇଥିଲା  । ମାତ୍ର ଏଥିରେ କାହାରି କିଛି କ୍ଷତି ହୋଇନଥିବା ବେଳେ କାରଟିର ଆଗ ପଟ କିଛି ଅଂଶରେ ଭାଙ୍ଗିରୁଜି ଯାଇଥିବା ଜଣାପଡିଛି  । ସୁଚନା ଯୋଗ୍ୟ ଯେ ଏକ ମଟର ସାଇକେଲ ଆରୋହୀ ବ୍ଳକ ଛକ ନିକଟରେ ରାସ୍ତା ଉପରେ ଓଲଟି ପଡିଥିଲେ   । ସେହି ସମୟରେ ଏକ କାର ସାକ୍ଷୀଗୋପାଳ ବାଇ ପାସ ଦେଇ ପୁରୀ ଅଭିମୁଖେ ଯାଉଥିଲା  । ମଟର ସାଇକେଲ ଆରୋହୀଙ୍କୁ ବଞ୍ଚାଇବାକୁ ଯାଇ କାର ଚାଳକ କୌଣସି ଉପାୟ ନ ପାଇ ଡାହଣ ପଟକୁ କାଟି ଦେଇଥିଲେ  । ଯାହା ଫଳରେକି  କାରଟି ରୋଡ ଡିଭାଇଡର ଉପରକୁ ଚଡିଯାଇଥିଲା  ।  କାରଟିର ଗତି ଅଧିକ ଥିବାରୁ ଗାଡିଟି ରୋଡ ଡିଭାଇଡରରେ ମାଡ ହୋଇ ମଧ୍ୟ ଡିଭାଇଡର  ଉପରେ ଚଡି ଯାଇଥିଲା  ।  ଏକ ବଡ ଦୁର୍ଘଟଣାରୁ ଅଳ୍ପକେ ରକ୍ଷା ହୋଇଯାଇଛି ବୋଲି ସ୍ଥାନୀୟ ଲୋକମାନେ କହନ୍ତି । ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ମଟର ସାଇକେଲ ଓ କାରଟିକୁ ଥାନାକୁ ନେଇଥବା ଜଣାପଡିଛି ।  
 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି