ସାକ୍ଷୀଗୋପାଳ ମନ୍ଦିରରେ ନନ୍ଦ ଉତ୍ସବ ପାଳିତ

Sakhigopal News and Photo

 ସାକ୍ଷୀଗୋପାଳ -----ସାକ୍ଷୀଗୋପାଳ ମନ୍ଦିରରେ ପ୍ରତିଦିନ ଭଳି ଦେବନୀତି କରାଯିବା ପରେ ନବଜାତ ଜନ୍ମିତ ଶ୍ରୀକୃର୍ଷ୍ଣଙ୍କୁ ଆଳତୀ, ଉପଚାର କରାଯିବା ପରେ ସେଊ, ନଡିଆ, କାକୁଡି, ଅଙ୍ଗୁର, କଦଳୀ, ଖଇ, କେରା ବାଳଭୋଗ କରାଯାଇଥିଲା  ।  ଉପସ୍ଥିତ ଶ୍ରଦ୍ଧାଳୁ ମାନଙ୍କୁ ମନ୍ଦିର ଓ ସେବାୟତ ସଂଘ ପକ୍ଷରୁ  କୋରା ବଣ୍ଟନ କରାଯାଇଥିଲା  । ପରେ ପରେ ନବଜାତ ଶ୍ରକୃର୍ଷ୍ଣ ବା ଚଳନ୍ତି ପ୍ରତିମା ମଦନମୋହନଙ୍କୁ ଦୋଳିରେ ଝୁଲାଇବା ସହ ‘’ଆହ ମୋ ନନ୍ଦ, କେଳେ ଗୋବିନ୍ଦ ‘’ଗୀତ ଗାନ କରି ସେବାୟତ ମାନେ ଦୋଳି ବିମାନକୁ ଝୁଲାଇଥିଲେ  ।  । ଏଥିପାଇଁ ମନ୍ଦିରରେ ନବଜାତ ଶ୍ରୀକୃର୍ଷ୍ଣଙ୍କୁ ଦୋଳିରେ ଝୁଲାଇବା ପାଇଁ ଗହଳି ଲାଗିଥିଲା  । ଶ୍ରଦ୍ଧାଳୁ ମାନେ ଠାକୁରଙ୍କୁ ଫୁଲ, ଦୀପ ଦାନ କରି ଦର୍ଶନ କରିଥିଲେ  । ସେହିପରି  ଶ୍ରୀ ସାକ୍ଷୀଗୋପାଳ ସେବାୟତ ସଂଘ ପକ୍ଷରୁ ସିଂହଦ୍ୱାର ସମ୍ମୁଖରେ  ଗୋଟିପୁଅ ନୃତ୍ୟ ପରବେଷଣ କରାଯିବା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା  ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି