ଖଲାସିରେ ପାଣି ନିଷ୍କାସନ ନ ହେବାରୁ ଧାନଜମି ଗୋଚର

Sakhigopal news

 ସାକ୍ଷୀଗୋପାଳ ----- ପୁରୀ ଜିଲ୍ଲାର  ସତ୍ୟବାଦୀ ବ୍ଳକରେ ଥିବା  ବିଭିନ୍ନ ଡ୍ରେନଜରେ  ଜଳ ନିଷ୍କାସନ  ନ ହେବାରୁ ଏବେ ଚାଷୀଙ୍କର ମୁଣ୍ଡ ବିନ୍ଦା ହୋଇଛି  । ବିଶେଷ କରି ଡ୍ରେନେଜ ଗୁଡିକ ଖନନ ଠିକ ନ ହେବା ଓ କଲକତି ଦଳ ପୂର୍ଣ୍ଣ ହୋଇ ରହିବା ଯୋଗୁ ଗହିର ବିଲରୁ ପାଣି ନିଷ୍କାସନରେ ବ୍ୟାଘତ ସୃଷ୍ଟି ହୋଇଛି  । ପ୍ରତି ବର୍ଷ ଧାନ ଜମିରେ ପାଣି ଜମିବା ଦ୍ୱାରା  ଅମରି ଓ ଖରି ବଣ ହୋଉଛି  । ସୁଚନା ଯୋଗ୍ୟ ଯେ ସତ୍ୟବାଦୀ ବ୍ଳକର ପାରକେଣା, ମହୁରା,  ବଳରାମପୁରଗଡ, ଡାଙ୍ଗରା, ବିଲିପଡା,  କଣ୍ଟାପଡା,ଜମାରସୁଆଁ ରାୟଖଣ୍ଡୀ, ପରଜାପଡା,ଅଳିଖିଆ, ପଲ୍ଲୀମାକଣ୍ଡପୁର, ଡିହସାହି ଆଦି ଶତାଧିକ ଗ୍ରାମର ୧୦ ହଜାର ଏକର ଜମି ଏବେ ଖରିଓ ଅମରିବଣ ରେ ପରିପୂର୍ଣ୍ଣ ହୋଇଛି । ଯାହାକି  ସରୀସୃପ ମାନଙ୍କର ଅଭୟାରଣ୍ୟ ପାଲଟିଛି  । ବଳଙ୍ଗା ବାୟାବର ଠାରୁ ବାହାରିଥିବା ସଫେଇନାଳ ନୁଆଗାଁ ସ୍ଥିତ ଗବକୁଣ୍ଡ କଟ ଠାରେ ମିଶିଛି । ଏବେ ଏହି ନାଳରେ ପାଣି ନିଷ୍କାସନ ନ ହୋଇ ସେହିପରି ଜମି ରହୁଛି ।  କେତେକ ଚାଷୀ ମାନେ କହନ୍ତି ବର୍ତ୍ତମାନ ନଦୀର ଗତିପଥ ବଦଳିବା  ଯୋଗୁ ଏହି ଡ୍ରେନେଜ ଗୁଡିକରୁ ପାଣି ନିଷ୍କାସନ ସଠିକ ହୋଇ ପାରୁନାହିଁ  । ଏହି ନାଳକୁ  ଯୋଡାଲିଙ୍ଗ ଗହିର ଠାରୁ  ସମୁଦ୍ରକୁ ସଂଯୋଗ କରାଗଲେ ଏହି ସମସ୍ୟାର ସମାଧାନ ହୋଇ ପାରିବ ବୋଲି  ଚାଷୀ  ମାନେ କହନ୍ତି । ଏ ଦିଗପ୍ରତି କୃଷିମନ୍ତ୍ରୀ ଓ ଜିଲ୍ଲାପାଳ ନଜର ଦେବାକୁ ଚାଷୀ ସଂଗଠନ ପକ୍ଷରୁ ଦାବି ହୋଉଛି  ।

ସାଧୀଗୋପାଳରୁ ଧୀରେନ୍ଦ୍ର ସେନାପତି