୨୮ କେଜି ଗଞ୍ଜେଇ ଜବତ :୨ ଯୁବକ ଗିରଫ

ଭଞ୍ଜନଗର - ସ୍ଥାନୀୟ ଅବକାରୀ ଥାନା ପକ୍ଷରୁ ଦୁର୍ଗାପ୍ରସାଦ ଓ ଖାରିଗୁଡା ରାସ୍ତା ରେ ଅତର୍କିତ ତଦନ୍ତ କରାଯାଇ ୨ ଜଣ ଯୁବକଙ୍କ ଠାରୁ ପୃଥକ୍ ଭାବେ ୨୮ କେଜି ଗଞ୍ଜେଇ ଜବତ କରାଯାଇଛି । ଏବଂ ୨ ଟି ପୃଥକ ମାମଲା ରୁଜୁ କରି ଉଭୟଙ୍କୁ କୋର୍ଟ ଚାଲାଣ କରାଯାଇଛି। ମିଳିଥିବା ସୂଚନା ପ୍ରକାରେ କେଉଁଝର ଅଞ୍ଚଳର ଅଜୟ କୁମାର ମହାରଣା ନାମକ ଜଣେ ୨୮ ବର୍ଷୀୟ ଯୁବକ କନ୍ଧମାଳ ଜିଲ୍ଲା ଫୁଲବାଣୀ ଇଲାକାରୁ ଏକ ବସ୍ତାରେ ୧୫ କିଲୋ ଗଞ୍ଜେଇ ଧରି ବସ୍ ଯୋଗେ ଭଞ୍ଜନଗର ଆଡ଼କୁ ଆସି ଧରାପଡିବା ଭୟରେ ଦୁର୍ଗାପ୍ରସାଦ ଠାରେ ବସ୍ ରୁ ଓଲ୍ଲାଇ ଆଉ ଏକ ବସକୁ ଅପେକ୍ଷା କରିଥିବା ବେଳେ ଯୁବକଙ୍କ ଗତିବିଧି ଉପରେ ସନ୍ଦେହ କରି ଅବକାରୀ ଷ୍ଟାଫ୍ ତୁରନ୍ତ ସେଠାରେ ଚଢଉ କରିଥିଲେ। ଫଳରେ ଗଞ୍ଜେଇ ସହ ଯୁବକ ଜଣକ ଧରା ପଡ଼ିଥିଲେ।

   ସେହିପରି ଅନ୍ୟ ଏକ ବସ୍ ରେ ଉତ୍ତର ପ୍ରଦେଶର ବରେଲି ଇଲାକାର ଓ୍ବାରିସ୍ ଖାନ୍ (୨୮) ୧୩ କିଲୋ ଗଞ୍ଜେଇ ସହ ଖାରିଗୁଡା ନିକଟରେ ବସ୍ ରୁ ଓଲ୍ଲାଇ ଅନ୍ୟ ଏକ ବସ୍ କୁ ଅପେକ୍ଷା କରିଥିବା ।  ସେଠାରେ ମଧ୍ୟ ଅବକାରୀ ଥାନା କର୍ମଚାରୀମାନେ ଚଢ଼ାଉ କରି ସଂପୃକ୍ତ ଯୁବକକୁ ଧରି ନେଇଥିଲେ। ଏସଂପର୍କରେ ୨ ଟି ଏନଡିପିଏସ୍ କେଶ୍ ରୁଜୁ କରାଯାଇ ୨ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଥିବା ଅବକାରୀ ଥାନା ଅଧିକାରୀ ଅଂଶୁମାନ ଜେନା ସୂଚନା ଦେଇଛନ୍ତି।ଚଢାଉରେ ଏସଆାଇ ଅଲ୍ଲିଭା ମାଝି ଏଏସଆଇ ନିରଞ୍ଜନ ବେହେରା ସିପାହୀ କୃଷ୍ଣଚନ୍ଦ୍ର ସେଠୀ,ଜଗନ୍ନାଥ ମହାପାତ୍ର ସନାତନ ନାହାକ, ଭବନୀ ବେହେରା,ସୁବଳ ପ୍ରଧାନ  ସମେତ କର୍ମଚାରୀ ଭାଗ ନେଇଥିଲେ । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୭/୯/୨୦୨୩-----୯,୫୫ sakhi