ସାକ୍ଷୀଗୋପାଳ -+- ପୁରୀ ଜିଲା ସତ୍ଯବାଦୀ ବ୍ଲକ ଅନ୍ତର୍ଗତ ଅଳଗୁମସ୍ଥିତ ଅଞ୍ଚଳର ପ୍ରସିଦ୍ଧ ଜାଗୁଳେଇ ଠାକୁରାଣୀଙ୍କ କାଠି ଯାତ୍ରା ଷଷ୍ଠିଓଷା ଠାରୁ ଆରମ୍ଭ ହୋଇଛି । ପରମ୍ପରା ବିଧି ଅନୁସାରେ ବର୍ଷସାରା ମାଆଙ୍କ ମୁଖରେ ବିରିଜାବ ଦିଆଯାଇଥାଏ । ଏହିଦିନ ବିରିଜାବ ଖୋଲାଯାଇ ନବଦିନ ବ୍ଯାପି ଠାକୁରାଣୀ ବାରପଡାରେ ଭୋଗ ଖାଇବାକୁ ଯାଇଥାନ୍ତି । ପରିଚାଳନା କମିଟି ନିଷ୍ପତ୍ତି ଅନୁସାରେ ପାରମ୍ପରିକ ରୀତିନୀତିରେ ପ୍ରଥମଦିନ ଟିକରପଡା ଓ ଦ୍ୱିତୀୟ ଦିନ କୋଠ ଏବଂ ଖଣ୍ଡାୟତସାହି ଓ ଏହିପରି ବାଉଁଶପଡା , ମାଳିସାହି , ବାଚଟୁଳିସାହି , ବାଉଁଶ ଗଡିଆ , ଐଶାନ୍ୟ ପଡା , ବଉଳସାହି ଓ ଜେନା ସାହି ଆଦି ବାରପଡାରେ ଠାକୁରାଣୀ ଭୋଗରାଗ ହୋଇ ଫେରିଥାନ୍ତି । ଜନସ୍ରୁତି ରହିଛି କଟକ ଜିଲା ମହାନଦୀ ପଠାରୁ ଗଣ୍ଡେଇ ନାମକ ଜନୈକ ଶଗଡିଆଙ୍କ ଶଗଡରେ ଏହି ଜାଗୁଳେଇ ଏଠାକୁ ଆସିଥିଲେ । ତତକାଳୀନ ସମୟରେ ହଇଜା , ହାଡ ଫୁଟି ଆଦି ରୋଗ ପ୍ରବଳ ହେଉଥିବା ଯୋଗୁଁ ଜନୈକ ପଣ୍ଡିତ ଙ୍କ ପରାମର୍ଶ ଅନୁସାରେ ମାଆଙ୍କ ଆଖିରେ ବିରିଜାବ ସେହିଦିନ ଠାରୁ ଦିଆଯାଇ ଆସୁଛି । ଏହି ଯାତ୍ରା ପାଇଁ ଅଞ୍ଚଳର ପ୍ରତି ଗ୍ରାମବାସୀ ଯିଏ ଯେଉଁଠି ରହି ଥାନ୍ତୁ କିନ୍ତୁ ଠାକୁରାଣୀ ଙ୍କ କାଠି ଯାତ୍ରା କୁ ଗ୍ରାମକୁ ଆସିଥାନ୍ତି । ଶେଷ ଦିନ ପ୍ରସିଦ୍ଧ କାଠି ଯାତ୍ରା ଅନୁଷ୍ଠିତ ହେବ । କାଳେସୀ ପୋତାଯାଇ ଥିବା କାଠ ଦଣ୍ଡା ଉପରକୁ ଚଢି ଗ୍ରାମବାସୀ ତଥା ପ୍ରୁଥିବୀର ମଙ୍ଗଳ କାମନା କରିଥାନ୍ତି । ଗୁହାରିଆ ପଡିଥିବା ଭକ୍ତମାନଙ୍କୁ ଆଶିର୍ବାଦ ଦେଇଥାନ୍ତି । କାଠିଯାତ୍ରା ପରଦିନ ଦାନ୍ତକାଠି ଯାତ୍ରା ମାଆଙ୍କର ଅନୁଷ୍ଠିତ ହୋଇଥାଏ । ଆରମ୍ଭ ହୋଇଥିବା କାଠିଯାତ୍ରା କୁ ସରସ ସୁନ୍ଦର କରିବାପାଇଁ ପରିଚାଳନା କମିଟି ପକ୍ଷରୁ ସମସ୍ତଙ୍କ ସହଯୋଗ କାମନା କରିଛନ୍ତି । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୩୦/୮/୨୦୨୫----୭,୪୫ Sakhigopal News,30/8/2025
