ସାକ୍ଷୀଗୋପାଳ କଲେଜରେ ଜାତୀୟ କ୍ରୀଡ଼ା ଉତ୍ସବ ପାଳନ
ସାକ୍ଷୀଗୋପାଳ,----- ଉତ୍କଳମଣି ଗୋପବନ୍ଧୁ ସ୍ମୃତି ମହାବିଦ୍ୟାଳୟର ସଭାଗୃହରେ ଜାତୀୟ କ୍ରୀଡ଼ା ଦିବସ ପାଳିତ ହୋଇଯାଇଛି। ମହାନ କ୍ରୀଡ଼ାବିତ ମେଜର ଧ୍ୟାନଚାନ୍ଦ ଜନ୍ମଦିନ ସ୍ମୃତି ଅବସରରେ ପାଳିତ କାର୍ଯ୍ୟକ୍ରମରେ ମହାବିଦ୍ୟାଳୟ ଅଧ୍ୟକ୍ଷା ପ୍ରଫେସର ପୁଷ୍ପମିତ୍ରା ପଟ୍ଟନାୟକ ସଭାପତିତ୍ୱ କରିଥିଲେ। ପ୍ରଥମେ ପ୍ରଭୁ ଜଗନ୍ନାଥ ଏବଂ ପଣ୍ଡିତ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ କାର୍ଯ୍ୟକ୍ରମକୁ ଆରମ୍ଭ କରାଯାଇଥିଲା। ପ୍ରଫେସର ପଟ୍ଟନାୟକ ନିଜର ସଭାପତିତ୍ୱ ଅଭିଭାଷଣରେ ଛାତ୍ର ଜୀବନରେ ଶିକ୍ଷା ସହିତ କ୍ରୀଡ଼ାର ଗୁରୁତ୍ୱ ଓ ଆବଶ୍ୟକତା ଉପରେ ଆଲୋକପାତ କରିଥିଲେ। ଏହି ସଭାରେ +୨ କ୍ରୀଡ଼ା ସମ୍ପାଦକ ଡ଼ଃ ରଶ୍ମିତା ସେଠୀ, ଜିତେନ କୁମାର ଦାସ ଏବଂ +୩ କ୍ରୀଡ଼ା ସମ୍ପାଦକ ପ୍ରକାଶ ସାହୁ ଙ୍କ ସମେତ ପୂର୍ବତନ ବଡ଼ବାବୁ ରାଜକିଶୋର ପତି ପ୍ରମୁଖ ଛାତ୍ରଛାତ୍ରୀମାନଙ୍କୁ କ୍ରୀଡ଼ା ପ୍ରତି ଧ୍ୟାନଚାନ୍ଦଙ୍କ ଅସୀମ ଅବଦାନ ସମ୍ବନ୍ଧରେ ଉପସ୍ଥାପନା କରିଥିଲେ। ଉତ୍ତମ କ୍ରୀଡ଼ା ଅଜ୍ଞାଧୀନ ଛାତ୍ର ହିସାବରେ ଶୁଭମ ସ୍ୱାଇଁ,ରୁପାଲୀ ବେହେରା, ଦେବାଶିଷ ବେହରା, ଶ୍ରଦ୍ଧାଞ୍ଜଳି ବେହେରା ଙ୍କୁ ମଞ୍ଚରେ ସଭାପତିଙ୍କ ଦ୍ୱାରା ପୁରସ୍କୃତ କରାଯାଇଥିଲା। ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ତଥା ଛାତ୍ରଛାତ୍ରୀ ଏହି ସଭାରେ ଉପସ୍ଥିତ ରହି କାର୍ଯ୍ୟକ୍ରମଟିକୁ ସଫଳ କରାଇଥିଲେ।କ୍ରୀଡ଼ା ଶିକ୍ଷକ ଶ୍ରୀ ରଘୁନାଥ ପରିଡ଼ା ସମଗ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୩୦/୮/୨୦୨୫---୮,୧୦ Sakhigopal News,30/8/2025