ସାକ୍ଷୀଗୋପାଳ ---- ସତ୍ଯବାଦୀ ବ୍ଲକ ଅନ୍ତର୍ଗତ ଅଳଗୁମସ୍ଥିତ ଗତିଶ୍ୱର ମହାଦେବଙ୍କ ପୀଠ ରୂଦ୍ରାଭିଷେକ ପରିଷଦ ପକ୍ଷରୁ ଦାବି କରାଯାଇଛି ଉକ୍ତ ପୀଠକୁ ଗ୍ରାମୀଣ ପର୍ଯ୍ଯଟନସ୍ଥଳୀର ମାନ୍ଯତା ମିଳୁ । ଏହି ପରିପ୍ରେକ୍ଷୀରେ ରୂଦ୍ରାଭିଷେକ ପରିଷଦ ପକ୍ଷରୁ ଗତିଶ୍ୱର ମନ୍ଦିର ନିକଟରେ ଆଲୋଚନା ସଭା ଦର୍ପ ନାରାୟଣ ମହାନ୍ତିଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଥିଲା । ବାର୍ଷିକ ବିବରଣୀ ପାଠ କରାଯିବା ପରେ ଆଲୋଚନା ସଭା କରାଯାଇ ଥିଲା । ଦ୍ୱାଦଶ ଶତାବ୍ଦୀର ଠାକୁରଙ୍କ ଏହି ମନ୍ଦିରର ଉନ୍ନତି କରଣ ସହିତ ଏହାକୁ ଗ୍ରାମୀଣ ପର୍ଯ୍ଯଟନସ୍ଥଳୀର ମାନ୍ଯତା ପ୍ରଦାନ କରାଯିବା ପାଇଁ ସର୍ବସମ୍ମତିକ୍ରମେ ପ୍ରସ୍ଥାବ ଗ୍ରହୀତା ହୋଇଥିଲା । ଏ ସଂପର୍କରେ ମୁଖ୍ଯମନ୍ତ୍ରୀ , ଉପମୁଖ୍ୟମନ୍ତ୍ରୀ , ବିଭାଗୀୟ ସଚୀବ ଓ ଜିଲାପାଳଙ୍କୁ ଦାବିପତ୍ର ପ୍ରଦାନ କରାଯିବା ପାଇଁ ଏକ କମିଟି ଗଠନ କରାଯାଇ ଥିଲା । ସେହିପରି ପ୍ରତିବର୍ଷ ପରି ଆସନ୍ତା ଅଁଳା ନବମୀଠାରୁ କାର୍ତ୍ତିକ ପୂର୍ଣ୍ଣମୀ ପର୍ଯ୍ୟନ୍ତ ହେବାକୁ ଥିବା ମେଳା ଓ ରୁଦ୍ରାଭିଷେକ ସଂପର୍କରେ ଆଲୋଚନା କରାଯାଇ ମେଳା ଟି କିପରି ଅଧିକ ଆକର୍ଷଣୀୟ ହୋଇପାରିବ ସେ ବିଷୟରେ ସଭ୍ଯ ମାନେ ନିଜନିଜର ମତ ଉପସ୍ଥାପନ କରିଥିଲେ । ଏହି ଅବସରରେ ପ୍ରକାଶ ପାଇବାକୁ ଥିବା ସ୍ମରଣିକା ' ଶିଳାଲେଖ ' ପାଇଁ ଲେଖା ପଠାଇବା ପାଇଁ ସୂଚନା ପ୍ରଦାନ କରାଯାଇ ଥିଲା । ଆସନ୍ତା ଅକ୍ଟୋବର ୨ ତାରିଖରେ ଗଣସଫେଇ କାର୍ତ୍ତିକ ମେଳା ସୂଚାରୁରୁପେ ସମ୍ପାଦନ କରିବା ପାଇଁ ପୁନର୍ବାର କମିଟି ସଦସ୍ଯ ମାନଙ୍କର ବୈଠକ କରାଯିବ ବୋଲି ନିଷ୍ପତ୍ତି ଗ୍ରହଣ କରାଗଲା । ଏଥିରେ ସମ୍ପାଦକ ଉପେନ୍ଦ୍ର ପଣ୍ଡା , ପ୍ରଶାନ୍ତ ବିଶ୍ୱାଳ , ନିତିଶ ମହାନ୍ତି , ଯୋଗେନ୍ଦ୍ର ରାଉତ , ପାଣ୍ଡବ ମହାରଣା , ମନୋରଞ୍ଜନ ପ୍ରଧାନ , କାମଦେବ ଜେନା , କୁବେର ପ୍ରଧାନ , ବନମାଳୀ ପ୍ରଧାନ , ରବୀନ୍ଦ୍ର ସାହୁ ଓ ଲଲାଟ ନାୟକ ପ୍ରମୁଖ ସଭ୍ଯ ମାନେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରି ଥିଲେ । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ, ୨୬/୮/୨୦୨୫---୭,୨୫ Sakhigopal News,26/8/2025
