ବୀରରାମଚନ୍ଦ୍ରପୁରରେ କୋଭିଡ-୧୯ ଆଇନ ଅନୁଯାୟୀ ଧବଳେଶ୍ୱର ମେଳା ଅନୁଷ୍ଠିତ

  ସାକ୍ଷୀଗୋପାଳ----ପବିତ୍ର କାର୍ତ୍ତିକ ମାସ ଶିବ ବୈକୁଣ୍ଠ ଚତୁର୍ଦ୍ଧଶୀ ତିଥିରେ ଧବଳେଶ୍ୱର ଶୈବପୀଠ ଗୁଡିକରେ  ବଡଓଷା  ପର୍ବ ପାଳିତ ହୋଇଯାଇଛି । ଏହି ଅବସରରେ ପୁରୀ ଜିଲ୍ଲାର ସତ୍ୟବାଦୀ ବ୍ଳକ ଅନ୍ତର୍ଗତ  ବୀରରାମଚନ୍ଦ୍ରପୁର ଗ୍ରାମର  ଧବଳେଶ୍ୱର ମନ୍ଦିରରେ  ଧବଳେଶ୍ୱର ମେଳା  ଉପଲକ୍ଷେ ଠାକୁରଙ୍କ ଦର୍ଶନ ଓ ପୂଜାର୍ଚ୍ଚନା କୋଭିଡ-୧୯ ଅନୁଯାୟୀ କରାଯାଇଥିଲା । ସକାଳୁ  ମନ୍ଦିର ଦ୍ୱାର ଉନ୍ମୋଚନ, ମଙ୍ଗଳଆଳତି, ଅବକାଶ ବେଶ, ଆଳତି ଓ ବାଳଭୋଗ ପରେ ଭକ୍ତ ମାନେ ମନ୍ଦିର ବେଢ଼ା ପରିସରରେ ଠିଆ ହୋଇ ଦୀପ ବସାଇବା ସହ  ଠାକୁରଙ୍କୁ ଦର୍ଶନ କରିଥିଲେ ।  ଜଳାଭିଷେକ, ଚୁଡାଘଷା  ଶ୍ରଦ୍ଧାଳୁ ମାନଙ୍କୁ ଧବଳେଶ୍ୱର ଉନ୍ନୟନ କମିଟି ଓ ପ୍ରଶାସନ ପକ୍ଷରୁ ବାରଣ କରାଯାଇଥିଲା । ଧବଳେଶ୍ୱର ମେଳାରେ ବହୁ କମ ସଂଖ୍ୟାର  ଲୋକଙ୍କୁ ଦେଖିବାକୁ ମିଳିଥିଲା ।   ସେହିପରି ବିଶ୍ୱନାଥପୁର ପଞ୍ଚାୟତର କଦଳୀପଡା ଗ୍ରାମରେ  ଥିବା ଧବଳେଶ୍ୱର ମହାଦେବଙ୍କ ପାଖରେ ବଡଓଷା ପର୍ବ ପାଳିତ ହୋଇଯାଇଛି । ସେହିପରି ସତ୍ୟବାଦୀରେ ବିଭିନ୍ନ ଗ୍ରାମ ମାନଙ୍କରେ ଥିବା ମହାଦେବଙ୍କ ମନ୍ଦିରରେ ବଡଓଷା ଉପଲକ୍ଷେ ଶ୍ରଦ୍ଧାଳୁଙ୍କ ଦେଖିବାକୁ ମିଳିଥିଲା ।

  ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି , ୨୮/୧୧/୨୦୨୦---୭, ୫୦