ସମ୍ବିଧାନ ଦିବସ ପାଳନ ସହିତ ବୃକ୍ଷ ରୋପଣ

 ଡେଲାଙ୍ଗ --------ଡେଲାଙ୍ଗ ବ୍ଲକ ଅର୍ନ୍ତଗତ ମୁନିନ୍ଦା ଗ୍ରାମ ପଞ୍ଚାୟତ ବରକେରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ସମ୍ବିଧାନ ଦିବସ ପାଳନ ସହିତ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପରିସରରେ ଥିବା  ପଞ୍ଚସଖାଙ୍କ ପ୍ରତିମୂର୍ତ୍ତିରେ  ଅତିଥିମାନେ ପ୍ରଥମେ ପୁଷ୍ପମାଲ୍ୟ ଅର୍ପଣ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୀପ ସେଠୀଙ୍କ ଅଧ୍ୟକ୍ଷତାରେ  କୋଭିଡ୍‌- ୧୯  ଆଇନ ଅନୁଯାଇ ସମ୍ବିଧାନ ଦିବସ ପାଳନ ହୋଇଥିଲା । ସମ୍ବିଧାନର ସୁରକ୍ଷା ଉପରେ ଶପଥ ପାଠ କରାଯାଇଥିଲା ।  ଶିକ୍ଷକ ମିଟୁ କିଶୋର ପ୍ରଧାନ, ମଞ୍ଜୁଲତା ପ୍ରଧାନ,ସୁଧିର କୁମାର ଜେନା,ବିରଞ୍ଚି ନାରାୟଣ ବରାଳ,ପୁରଷୋତମ ନାୟକ ଓ ପ୍ରକୃତି ବନ୍ଧୁ ବିଶ୍ୱଜିତ ପରିଡା ପ୍ରମୁଖ ଯୋଗଦେଇ ସମ୍ବିଧାନ ପ୍ରଣେତା ଓ ସମ୍ବିଧାନ ସୁରକ୍ଷାଉପରେ ନିଜ ନିଜ ମତ ପ୍ରକାଶ କରିଥିଲେ ।  ସମ୍ବିଧାନ ଦିବସକୁ ମନେ ରଖିବା ପାଇଁ ବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା । ଶିକ୍ଷକ ସୁଧିର କୁମାର ଜେନା ଶେଷରେ ଧନ୍ୟବାଦ ଦେଇଥିଲେ ।

 ଡେଲାଙ୍ଗରୁ ଧୀରେନ୍ଦ୍ର ସେନାପତି , ୨୭/୧୧/୨୦୨୦---୬,୦୫