ବିଧାୟକ ଉମାକାନ୍ତ ସାମନ୍ତରାୟଙ୍କ ଆଶୁ କାମନା କରି ସମୂହ ଦୀପ ଦାନ
ସାକ୍ଷୀଗୋପାଳ ----- ରାଜ୍ୟରେ ମହାମାରୀ କରୋନା ତାର କାୟାବିସ୍ତାର କରି ଚାଲିଛି । କମିବାର ନାଁ ଗନ୍ଦ ଧରୁନାହିଁ । ସତ୍ୟବାଦୀର ଯୁବ ବିଧାୟକ ଉମାକାନ୍ତ ସାମନ୍ତରାୟ ଏବେ ମହାମାରୀ କରୋନା ରୋଗରେ ଅକ୍ରାନ୍ତ ହୋଇଛନ୍ତି । ତାଙ୍କୁ ଭଲ ପାଉଥିବା ତଥା ପେଣ୍ଠପଡା ସରପଞ୍ଚ ବାସନ୍ତୀ ବେହେରାଙ୍କ ନେତୃତ୍ୱରେ କୋଷାଳେଶ୍ୱର ମହାଦେବଙ୍କ ମନ୍ଦିର ସମ୍ମୁଖରେ ସମୂହ ଦୀପଦାନ ଅନୁଷ୍ଠିତ ହୋଇଯାଇଛି । ବିଧାୟକଙ୍କର ଆଶୁ କାମନା କରି ଦେବ ଦେବ ମହାଦେବ ଓ ମା ପାର୍ବତୀ, ଗଣେଶଙ୍କ ପାଖରେ ଦୀପଦାନ କରାଯାଇଥିଲା । ଏଥିରେ ଜିଲ୍ଲା ପରିଷଦ ସଭ୍ୟ ପ୍ରହଲ୍ଲାଦ ଘଟୁଆରୀ, ସମିତିସଭ୍ୟ ଗିତାଞ୍ଜଳି ଭୋଇ , ପେଣ୍ଠପଡା ପଞ୍ଚାୟତର ପୂର୍ବତନ ସରପଞ୍ଚ ପୂର୍ଣ୍ଣଚନ୍ଦ୍ର ପ୍ରଧାନ, ଦେବ ମହାପାତ୍ର ଓ ପଞ୍ଚାୟତର ସଭାପତି ଅନିଲ କୁମାର ସାହୁ, ୱାର୍ଡ ସଭ୍ୟ ଶାନ୍ତିଲତା ଭୋଇ, ୱାଡ ସଭ୍ୟ ଅରିଆ ବେହେରା, ଘନଶ୍ୟାମ ସାହୁ, ଗୋବିନ୍ଦ ଦଳାଇ, ଉପେନ୍ଦ୍ର ବିଶ୍ୱାଳ, ନିରୁ ବେହେରା, ଶେଖ ମୁସଲିମ, ସୁଶାନ୍ତ ଭୋଳ , ସୁନିଲ କୁମାର ପଣ୍ଡା ପ୍ରମୁଖ ଦୀପ ଦାନ କରିଥିଲେ । ସେହିପରି ଶୁକଳ ଗ୍ରାମ ପଞ୍ଚାୟତରେ ବାଁ ବରଡା ଗ୍ରାମରେ ଥିବା ଜଗନ୍ନାଥ ମନ୍ଦିରରେ ଶୁକଳ ସରପଞ୍ଚରୁନା ସେଠୀ, ସମିତିସଭ୍ୟ ଜଳନ୍ଦର ସେଠୀ , ବିଜେଡି ଦଳର ଶୁକଳ ଗ୍ରାମ ପଞ୍ଚାୟତର ସଭାପତି ଓକିଲ ସେନାପତି ଓ ମହିଳା ମହାସଂଘର ସଦସ୍ୟା ମାନେ ଉପସ୍ଥିତ ରହି ବିଧାୟକଙ୍କର ଆଶୁ କାମନା କରି ସମୂହ ଦୀପ ଦାନ କରିଥିବାର ଜଣାପଡିଛି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
