କୋଦଳା ଏନଏସି ପକ୍ଷରୁ ସାଇକେଲ ରାଲି ମାଧ୍ୟମରେ କରୋନା ସଚେତନ

କୋଦଳା -ମହାମାରୀ କରୋନା କୁ ସମ୍ପୂର୍ଣ ମୂଳପୋଛ କରିବା ଉଦ୍ଦେଶ୍ୟ ନେଇ କୋଦଳା ବିଜ୍ଞାପିତ ଅଞ୍ଚଳ ପରିଷଦ କୋଭିଡ ସ୍ଵତନ୍ତ୍ର ଅଧିକାରୀ ଅଶୋକ କୁମାର ମୁଦୁଲି ଙ୍କ ନେତ୍ରୁତ୍ଵ ରେ ସାଇକଲ ରାଲି କରାଯାଇଥିଲା । ଏନଏସି କର୍ମକର୍ତ୍ତା ସମେତ    ଅଫିସର , ସ୍ୱଚ୍ଛସାଥି , କୋଭିଡ ମନିଟର ସମେତ ବହୁ ସମାଜସେବୀ  ସାମାଜିକ ଦୂରତ୍ୱ ଓ କୋଭିଡ କଟକଣା 

କୁ ପାଥେୟ କରି ଗୋଟିଏ ଗୋଟିଏ ସାଇକଲ ଧରି ବିଭି୍ନ୍ନ ସ୍ଲୋଗାନ ଲେଖାଥିବା ଫ୍ଲାକାର୍ଡ ଧରି ଏନଏସି କାର୍ୟାଳୟ ଠାରୁ ବାହାରି ନଗର ପରିକ୍ରମା କରିଥିଲେ । କରୋନା ହାରିବ କୋଦଳା ବଞ୍ଚିବ , କରୋନା ହାରିବ ଆମେ ଜିତିବା , ମାସ୍କ ପିନ୍ଧନ୍ତୁ , ସାମାଜିକ ଦୂରତ୍ୱ ବଜାୟ ରଖନ୍ତୁ , ସର୍ବ ସାଧାରଣ ସ୍ଥାନ ରେ ଛେପ ପକାନ୍ତୁ ନାହିଁ , ସାବୂନ ରେ ଭଲଭାବେ ହାତ ଧୁଅନ୍ତୁ , ଶୀତ ଦିନ ପ୍ରତି ଜାଗ୍ରତ ରୁହନ୍ତୁ ଏପରି ବିଭି୍ନ୍ନ ପ୍ରକାର ସ୍ଲୋଗାନ ଦେଇ ଲୋକଙ୍କୁ ସଚେତନ କରିଥିଲେ ।ସାଇକଲ ଚଳାଇ ଏନଏସି କାର୍ୟାଳୟ ଠାରୁ ବାହାରି ପିଡବ୍ଲ୍ଯୁଡି ମୁଖ୍ୟ ରାସ୍ତା ଦେଇ ବସଷ୍ଟାଣ୍ଡ , ଦଣ୍ଡୀଶ୍ଵର ଛକ ,  ପୁରୁଣା ବଜାର ହୋଇ ପୂଣି ଏନଏସି କାର୍ୟାଳୟ ରେ ପହଞ୍ଚି ଥିଲେ ।ଜିଲ୍ଲା ପ୍ରଶାସନ ର ସମସ୍ତ ନିୟମ କୁ ସ୍ଵତନ୍ତ୍ର ଅଧିକାରୀ ଅଶୋକ କୁମାର ମୁଦୁଲିଙ୍କ ପ୍ରୟାସ ତଥା କୋଭିଡ ଆରମ୍ଭ ରୁ ଆଜି ପର୍ଯନ୍ତ ପ୍ରତ୍ୟକ୍ଷ ଯୋଦ୍ଧା ଭାବେ ଅହରହ ଉଦ୍ୟମ କୁ ଗ୍ରାମବାସୀ ପ୍ରସଂଶା କରୁଥିବା ଦେଖିବାକୁ ମିଳିଥିଲା ।

ଧରାକୋଟ ରୁ ଅଶେଷ କୁମାର ପାତ୍ରଙ୍କ ରିପୋର୍ଟ