ସାକ୍ଷୀଗୋପାଳ ----ପଞ୍ଚସଖାଙ୍କ ମଣିଷ ତିଆରି କାରଖାନା ଗଠନର ଚିନ୍ତାଧାରାକୁ ୧୧୧ତମ ଜନ୍ମ ଦିବସ ଭାବେ ସତ୍ୟବାଦୀର କିଛି ଉଦୀୟମାନ ଯୁବକ ଓ ପୁରୀରୁ ଆସିଥିବା କିଛି ଯୁବକଙ୍କ ମିଳିତ ସହଯୋଗରେ ବକୁଳବନ ପରିସରରେ କୁମାର ପୂର୍ଣ୍ଣିମା ପର୍ବ ପାଳିତ ହୋଇଯାଇଛି । ଓଡିଆ ମାନଙ୍କର ମହାନ ପର୍ବ କୁମାର ପୂର୍ଣ୍ଣିମା ତଥା ମା ଲକ୍ଷ୍ମୀ ଧରାପୁଷ୍ଠକୁ ଓହ୍ଳାଇଥିଲେ । ଏହି ପବିତ୍ର ଦିନକୁ ମନେ ରଖିବା ପାଇଁ ଯୁବକ ମାନେ ବକୁଳବନ ପରିସରରେ କୁମାର ପୂର୍ଣ୍ଣିମା ପର୍ବ ପାଳନ କରିଛନ୍ତି । ଅବହେଳିତ ଅବସ୍ଥାରେ ପଡି ରହିଥିବା ପଞ୍ଚସଖାଙ୍କ ପ୍ରତିମୂର୍ତ୍ତି ଗୁଡିକ ସଫା ସୁତରା କରିବା ସହ ରଙ୍ଗ କରିଥିଲେ । ସ୍ରୋତୀୟ ବାହ୍ମଣଙ୍କ ଦ୍ୱାରା ମନ୍ତ୍ରପାଠ କରି ପ୍ରତିମୂର୍ତ୍ତି ଗୁଡିକରେ ଧୂପ, ଦୀପ ଓ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।
ବିଶେଷ କରି ଯେଉଁ ପଞ୍ଚସଖା କୁମାର ପୂର୍ଣ୍ଣିମା ତିଥିରେ ବକୁଳବନ ବା ବିଦ୍ୟାଳୟ ପ୍ରତିଷ୍ଠା ପାଇଁ ଯେଉଁ ସ୍ୱପ୍ନ ଦେଖଥିଲେ ତାହାକୁ ମନେ ରଖିବା ବା ଓଡିଆ ଯୁବକ ମାନଙ୍କ ମଧ୍ୟରେ ଜ୍ରାଗତ କରିବା ପାଇଁ ଆଜିର କାର୍ଯ୍ୟକ୍ରମ ବୋଲି ସମାଜସେବି ହାପି ରଥ କହିଛନ୍ତି । ଏହି ଅବସରରେ ପିଠା ପ୍ରସାଦ ଭାବେ ବିତରଣ କରାଯାଇଥିଲା । ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ପ୍ରଥମେ ସାମ୍ବାଦିକ ଧୀରେନ୍ଦ୍ର ସେନାପତି ପୁଷ୍ପମାଲ୍ୟ ଅର୍ପଣ କରିବା ପରେ ଉପସ୍ଥିତ ଥିବା ଯୁବକ ମାନେ ପୁଷ୍ପମାଲ୍ୟ ଅର୍ପଣ କରିଥିଲେ ।
ସେଠାରେ ଏକ ଦେଶପ୍ରେମ ଜାଗ୍ରତ ହୋଇଥିବାର ଦେଖାଯାଇଥିଲା । ପଣ୍ଡିତ ଗୋପବନ୍ଧୁ ଅମର ରହେ, ପଞ୍ଚସଖା ଅମର ରହେ ଆଦି ସ୍କୋଗାନରେ ବକୁଳବନ କମ୍ପିତ ହୋଇଉଠିଥିଲା । ସେହିପରି ସେବକସାହିରୱାର୍ଡ ସଭ୍ୟ ହାଡିବନ୍ଧୁ ମହାପାତ୍ରଙ୍କ ସହିତ ଅନ୍ୟ ମାନେ ପ୍ରତିମୂର୍ତ୍ତିରେ ମାଲ୍ୟର୍ପଣ କରିଥିଲେ । ଅନ୍ୟ ମାନଙ୍କ ମଧ୍ୟରେ ମାନସ ଦାଶ, ବିପିନି ମହାନ୍ତି, ଦୀଲିପ ଧାଉଡିଆ, ଆଲୋକ ଖୁଣ୍ଡିଆ, ନିଶିକାନ୍ତ ପ୍ରଧାନ, ବ୍ରଜ କିଶୋର ସାହୁ, ଅଜୟ ପ୍ରଧାନ, ବିଶ୍ୱଜିତି ପରିଡା, ଟୁନା ସାହୁ, ଆଇନଜୀବୀ ଦିପକ ପଣ୍ଡା, ସତ୍ୟନାରାୟଣ ସାହୁ, ସନ୍ତୋଷ ବିନ୍ଦାଣି, ଲକ୍ଷ୍ମୀଧର ସାହୁ, ଅଭିଜିତି ସେନାପତି , ସାମ୍ବାଦିକ ଅମର ଶତପଥୀ, ତୁଷାର ରଞ୍ଜନ ନାୟକ ପ୍ରମୁଖ ଯୋଗ ଦେଇଥିଲେ ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
.jpg)
