ସାକ୍ଷୀଗୋପାଳ --- ପୁରୀ ଜିଲ୍ଲା ବରାହନା ବ୍ଳକର ଗୋକୁଳପୁର ଗ୍ରାମର ରବୀନ୍ଦ୍ର ମଲ ରାଜ୍ୟ ସରକାରଙ୍କ ସବୁ ଯୋଜନା ତାଙ୍କ ପାଇଁ ସାତ ସ୍ୱପ୍ନ ହୋଇଯାଇଛି । ପରିବାର କହିଲେ ତାଙ୍କ ସ୍ତ୍ରୀ ଓ ଚାରି ଜଣ ପିଲା । ରବୀନ୍ଦ ଏକ କମ୍ପାନୀରେ ଚାକିରି କରି ନିଜ ପରିବାରକୁ ଦୁଃଖ ସୁଖରେ ଚଳିଯାଉଥିଲେ । ଭାଗ୍ୟର ବିଡମ୍ବନା ଅଲଗା । ରବୀନ୍ଦଙ୍କର ଏକ ଦୁର୍ଘଟଣାରେ ତାଙ୍କର ଗୋଡ ଭାଙ୍ଗିଗଲା । ରବୀନ୍ଦ୍ର ଅକାମି ହୋଇଗଲେ । କିଛି ଦିନ କମ୍ପାନୀ ରଖିବା ପରେ ତାଙ୍କୁ କମ୍ପାନୀ ଚାକିରିରୁ ବାହାର କରିଦେଲା । ପରେ ପରେ ରାଜ୍ୟରେ ମହାମାରୀ କରୋନା ଯୋଗୁ ରବୀନ୍ଦ୍ରଙ୍କ ପରିବାର ଜୀବନ ଯୁଦ୍ଧ ଆରମ୍ଭ ହୋଇଗଲା ।
ଏପରିକି ଦିନେ ଖାଇଲେ ଆରଦିନକୁ ଉପାସ ରହିବାକୁ ପଡିଲା । ପିଲାମାନେ ଖାଇବାକୁ ଡହଳ ବିକଳ ହୋଇପଡିଲେ । ଶେଷରେ ରବୀନ୍ଦ୍ର ଶେଷରେ ପିଲାଙ୍କ ମୁହଁରେ ହସ ଦେଖିବା ସହିତ ସେମାନଙ୍କୁ ବଞ୍ଚାଇ ରଖିବା ପାଇଁ ମାଗିଯାଚି ଆଣିକି କିଛି କିଛି ଦେଲେ । କେତେଦିନ ରବୀନ୍ଦ୍ର ମାଗିକି ଆଣି ପରିବାର ପୋଷଣ କରିବା ସହଜ କଥା ନୁହେଁ । ରବୀନ୍ଦ୍ରଙ୍କ ବଡଝିଅ ଜଣେ ମେଧାବୀ ଛାତ୍ରୀ ଭାବେ ବେଶ ଅଞ୍ଚଳରେ ବେଶ ଜଣାଶୁଣା ।
ରବୀନ୍ଦ୍ରଙ୍କର ରାଶନ କାର୍ଡ ନଥିବା ବେଳେ ଆଧାର କାର୍ଡ ମଧ୍ୟ ହୋଇ ପାରୁନାହିଁ । ଏହି ଅସହାୟ ପରିବାର କଥା ଖବର ପାଇ ୟୈସ ହୋପ ଫାଇଣ୍ଡସେନ ଅନୁଷ୍ଠାନ ପକ୍ଷରୁ ଉକ୍ତ ପରିବାରଙ୍କୁ ରାଶନ ସାମଗ୍ରୀ, ଶୁଖିଲା ଖାଦ୍ୟ, ନୁଆବସ୍ତ୍ର , ପରିବା ଆଦି ଯୋଗାଇ ଦେବା ସହ ରବୀନ୍ଦ୍ରଙ୍କ ବଡଝିଅ ମେଧାବୀ ଛାତ୍ରୀଙ୍କର ପଢ଼ିବା ଖର୍ଚ୍ଚ ୟେର୍ସ ହୋପ ଫାଉଣ୍ଡେସନ ପ୍ରତିଷ୍ଠାତା ତଥା ଅଧ୍ୟକ୍ଷା ରୀନାରାଣୀ ନାୟକ ଘୋଷଣା କରିଛନ୍ତି । ଅନ୍ୟ ମାନଙ୍କ ମଧ୍ୟରେ ରଶ୍ମି ରଞ୍ଜନ ମିଶ୍ର, ସ୍ୱେଟି ତମନା ଧଳ, ଚିର ଅନୁଭବ ନାୟକ ପ୍ରମୁଖ ଉପସ୍ଥିତ ରହିଥିଲେ ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
.jpg)
