ଜଗତସିଂହପୁର------ -ଜଗତସିଂହପୁର ଜିଲ୍ଲା ତୀର୍ତ୍ତୋଲ ବିଧାନସଭା ଉପନିର୍ବାଚନ ନିମନ୍ତେ ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପି ପ୍ରାଥୀ ରାଜକିଶୋର ବେହେରାଙ୍କ ପାଇଁ ରୋଡ଼ ସୋ ମାଧ୍ୟମରେ ମାରଥନ ପ୍ରଚାର କରିଛନ୍ତି। କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ପ୍ରଥମେ ତୀର୍ତ୍ତୋଲ ବ୍ଳକ ର ଶଙ୍ଖେଶ୍ୱର ସାଇପନ ଛକ ନିକଟରୁ ବିରାଟ ଶୋଭାଯାତ୍ରା ରେ ବାହାରି ଜିଲ୍ଲାର ଆରାଧ୍ୟ ଦେବୀ ମା ଶାରଳାଙ୍କୁ ବାହାରୁ ଦର୍ଶନ କରି କହିଥିଲେ ବାହାର ରାଜ୍ୟରେ ମନ୍ଦିର ସବୁ ଖୋଲିଲାଣି ତେଣୁ ଓଡ଼ିଶା ସରକାର ତୁରନ୍ତ କୋଭିଡି ନିୟମ ଅନୁଯାୟୀ ମନ୍ଦିର ଖୋଲିବା ବ୍ୟବସ୍ଥା କରାନ୍ତୁ। ପରେ ତୀର୍ତ୍ତୋଲ ବ୍ଳକ ବିଭିନ୍ନ ପଂଚାୟତ ରୋଡ଼ ସୋ ମାଧ୍ୟମରେ ବିଜେପି ପ୍ରାଥୀ ରାଜକିଶୋର ବେହେରାଙ୍କୁ ବହୁ ସଂଖ୍ୟାରେ ଭୋଟ ଦେବାପାଇଁ ନିବେଦନ କରିଥିଲେ।ଏପରିକି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଥିଲେ ଯେଉଁ କଲ୍ୟାଣକାରୀ ଶାସନ ବ୍ୟବସ୍ଥା ଚାଲିଛି ତାକୁ ଜନସାଧାରଣ ଆକୃଷ୍ଟ ହୋଇ ବିଜେପି ପ୍ରାଥୀଙ୍କୁ ଜିତାଇବେ।ରାଜ୍ୟ ସରକାରଙ୍କୁ ସମାଲୋଚନା କରି କହିଥିଲେ ପ୍ରଜାତନ୍ତ୍ର ରେ ଅହଂକାର ର ଜାଗା ନାହିଁ କହିବା ସହ ରାଜ୍ୟସରକାରଙ୍କ ଦୁର୍ନୀତିବଳ,ଅର୍ଥ ବଳରେ ଅପଚେଷ୍ଟା କରୁଛି । ତାଙ୍କୁ ତୀର୍ତ୍ତୋଲ ଉପନିର୍ବାଚନରେ ଉଚିତ ଜବାବ ଦେବେ ବୋଲି କହିଥିଲେ। ପରେ ପରେ କେନ୍ଦ୍ରମନ୍ତ୍ରୀ ଶ୍ରୀପ୍ରଧାନ ରଘୁନାଥପୁର ବ୍ଳକ୍ରର ବିଭିନ୍ନ ପଂଚାୟତ ଓ ବିରିଡି ବ୍ଲକ ର ବିଭିନ୍ନ ପଂଚାୟତକୁ ରୋଡ଼ ସୋ ମାଧ୍ୟମରେ ଯାଇ ବିଜେପି ପ୍ରାଥିଙ୍କୁ ବିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରିବାକୁ ନିବେଦନ କରିଥିଲେ।ଜଗତସିଂହପୁର ରୁ ପ୍ରଳୟ ମହାପାତ୍ର
