ସରସ୍ଵତୀ ଶିଶୁ ବିଦ୍ୟା ମନ୍ଦିର ପରିସରରେ ସଙ୍କୁଳ ସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ
ବରଗଡ଼ ---- ବରଗଡ଼ ଜିଲ୍ଲାର ଭେଡେନ ସରସ୍ଵତୀ ଶିଶୁ ବିଦ୍ୟା ମନ୍ଦିର ପରିସରରେ ସଙ୍କୁଳ ସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଉଦଘାଟନ ଉତ୍ସବରେ ମୁଖ୍ୟ ଅତିଥି ଭାବେ ରବିନାରାୟଣ ପାଣିଗ୍ରାହୀ ସମାଜ ସେବୀ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି ସମସ୍ତଙ୍କ ଶୁଭକାମନା କରି ଶିଶୁମାନଙ୍କୁ ମାର୍ଗ ଦର୍ଶନ ଦେଇଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଭୋଜରାଜ ଦୁଆନ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ ।ସଙ୍କୁଳ ସଂଯୋଜକ ଅଶ୍ଵିନୀ କୁମାର ବାରିକ ସ୍ବାଗତ ଭାଷଣ ପ୍ରଦାନ କରିଥିଲେ ।ଜିଲ୍ଲା ବିଜ୍ଞାନ ପ୍ରମୁଖ ପୂର୍ଣ୍ଣିମା ମେହେର ଉଦ୍ଦେଶ୍ୟ ଜ୍ଞାପନ କରିଥିଲେ ।ବିଦ୍ୟାଳୟର ସମ୍ପାଦକ ମଦନ ମୋହନ ଦାଶ ଅତିଥି ଅଧିକାରୀ,ପରିଚାଳକ ଏବଂ ବିଚାରକମାନଙ୍କୁ ଉପଢୌକନ ଦ୍ଵାରା ସମ୍ବର୍ଦ୍ଧନା କରିଥିଲେ ।ଉକ୍ତ କାର୍ଯ୍ୟକ୍ରମରେ ୨୬୮ ଜଣ ପ୍ରତିଭାଗୀ ବିଭିନ୍ନ ପ୍ରକଳ୍ପରେ ଭାଗ ନେଇଥିଲେ ।୨୨ଜଣ ପରିଚାଳକ ଓ ୩୨ ଜଣ ବିଚାରକ ପ୍ରକଳ୍ପ ଗୁଡ଼ିକର ନିର୍ଣ୍ଣାୟକ ଭୂମିକା ନେଇଥିଲେ ।ଶିଶୁମାନଙ୍କ ଦ୍ଵାରା ସାମୂହିକ କଣ୍ଠ ସଙ୍ଗୀତ ପରିବେଷିତ ହୋଇଥିଲା ।ଉକ୍ତ କାର୍ଯ୍ୟକ୍ରମକୁ ନିଶାନ୍ତ ମହାରଣା ଓ ତରଙ୍ଗିଣୀ ସାହୁ ପରିଚାଳନା କରିଥିବା ବେଳେ ସମ୍ପାଦକ ମଦନ ମୋହନ ଦାଶ ଧନ୍ୟବାଦ ଅର୍ପଣ କରିଥିଲେ। ଉଦଯାପନ ଉତ୍ସବରେ ମୁଖ୍ୟ ଅତିଥି ଭାବେ ସରୋଜ ନନ୍ଦ ଯୋଗଦେଇଥିଲେ ।ପ୍ରଧାନ ଆଚାର୍ଯ୍ୟ ଅତିଥି ପରିଚୟ ପ୍ରଦାନ କରିଥିଲେ,ଉପ ସଭାପତି ପ୍ରବୀଣ କୁମାର ସାହୁ,କୋଷାଧ୍ୟକ୍ଷ ଗଜାନନ ବନଛୋର ମଞ୍ଚାସୀନ ଥିଲେ ।ଶିଶୁମାନେ ସାମୂହିକ ଗୀତ ପରିବେଷଣ କରିଥିବା ବେଳେ ଚାନ୍ଦିନୀ ସାହୁ ଦେଶାତ୍ମବୋଧକ ଗୀତ ପରିବେଷଣ କରିଥିଲେ ।ସଙ୍କୁଳ ସଂଯୋଜକ ବୃତ୍ତ କଥନ କରିଥିଲେ ।ଉକ୍ତ କାର୍ଯ୍ୟକ୍ରମଟି ପରିଚାଳନା ସମିତିର ସମସ୍ତ ସଦସ୍ୟ ସଦସ୍ୟା,ଗୁରୁଜୀ ଗୁରୁମା,ସେବକ ସେବିକା,ସଙ୍କୁଳ ଅନ୍ତର୍ଗତ ସମସ୍ତ ପ୍ରଧାନ ଆଚାର୍ଯ୍ୟ ଓ ମାତୃଭାରତୀ ସାହାଯ୍ୟ ସହଯୋଗ କରିଥିଲେ ।
ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୧୩/୮/୨୦୨୪----୭,୫୫ Sakhigopal News,13/8/2024
