ଲରମ୍ଭା କଲେଜରେ ଅନୁଷ୍ଠିତ ହେଲା ହର୍ ଘର୍ ତ୍ରିରଙ୍ଗା ଯାତ୍ରା

ବରଗଡ଼ ---ଅତାବିରା ବ୍ଲକ ସ୍ଥିତ ଲରମ୍ଭା ମହାବିଦ୍ୟାଳୟରେ ଅନୁଷ୍ଠିତ ହୋଇଯାଇଛି ହର ଘର ତ୍ରିରଙ୍ଗା କାର୍ଯ୍ୟକ୍ରମ  । କଲେଜ ପ୍ରାଧ୍ୟାପକ ଡଃ ଦିଗମ୍ବର ଚାନ୍ଦ ଏହାର ଶୁଭାରମ୍ଭ କରିବା ସହ ଶିକ୍ଷକ ବିନୟ କୁମାର ନାୟକ ସ୍ଥାନୀୟ ସରପଞ୍ଚ ସାବିତ୍ରୀ ପଣ୍ଡା, ସମିତି ସଭ୍ୟା ସୁମିତ୍ରା ରଣା  ଅତିଥି ରୂପେ ଯୋଗ ଦେଇଥିଲେ ।  କଲେଜ ପରିସରରୁ ଏକ ଶୋଭାଯାତ୍ରା ବାହାରି ଲରମ୍ଭା ଗ୍ରାମ ପରିକ୍ରମା କରାଯାଇଥିଲା ।   ଏନ.ସି.ସି ଅଧିକାରୀ ପାଟ ମଞ୍ଜରୀ ସାହୁ (ଆର୍ମି )ଓ ସରୋଜ କୁମାର ନାୟକ (ନାଭାଲ) ଙ୍କ ତତ୍ତ୍ବାବଧାନରେ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏନ.ଏସ.ଏସ. ଅଧିକାରୀ ଡଃ ଅଜିତ କୁମାର ନାଥ,ସଂଘମିତ୍ରା ମହାକୁର, ଗଣେଶ ସିଂ, ଯୁବ ରେଡକ୍ରସ ଅଧିକାରୀ ସୁନୀଳ ପ୍ରଧାନ, କାଦମ୍ବିନୀ ଗୁରୁ, ଅଧ୍ୟାପକ ପବିତ୍ର ମାହାଣା,  ପ୍ରଦୀପ ପଣ୍ଡା, ରବିନ୍ଦ୍ର ନାୟକ, ଗୁରୁଦେବ କୁଶଲ ,ରିଂକି ଖେତି ପ୍ରମୁଖ ସହଯୋଗ କରିଥିଲେ।  ଛାତ୍ରଛାତ୍ରୀ ମାନେ ସ୍ବାଧୀନତା ସଂଗ୍ରାମୀଙ୍କର ଅଭିନୟ କରି ସ୍ଲୋଗାନ ସହ ଯାତ୍ରା ପରିକ୍ରମା କରିଥିଲେ।

ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୧୩/୮/୨୦୨୪----୭,୫୫ Sakhigopal News,13/8/2024