ହାତୀ ଆକ୍ରମଣରେ ଯୁବକ ଆହତ

ବେଗୁନିଆ----- ବେଗୁନିଆ ବ୍ଲକ ଦେଉଳି ପଞ୍ଚାୟତ ଅନ୍ତର୍ଗତ  ଗୋଡା ଗ୍ରାମର ପପୁ ପରିଡା(୨୩)  ସନ୍ଧ୍ୟାରେ  ନିଜର ନିତ୍ୟକର୍ମ ସାରିବା ପାଇଁ ନିକଟସ୍ଥ  ପୋଖରୀକୁ ଯାଇଥିବା ସମୟରେ ବୁଦା ଉହାଡରେ  ଲୁଚି ରହିଥିବା  ବଣୁଆ ଜଙ୍ଗଲି ହାତୀ  ଅତର୍କିତ ଭାବରେ ଆକ୍ରମଣ କରିବାକୁ  ଗୋଡଇଥିଲା । ଏଥିରେ ପପୁ  ନିଜର ପ୍ରାଣ ବଂଚାଇବା ପାଇଁ ଜୀବନ ବିକଳରେ ଚିକ୍ରାର କରି  ଦୌଡିଥିଲେ ।  ଅନ୍ଧକାର ଭିତରେ ପପୁ ପଡି ଯାଇଥିଲେ । ହାତୀଟି ଆକ୍ରମଣ କରିବାକୁ ଉଦ୍ୟମ କରୁଥିବା ସମୟରେ  ତାଙ୍କ ଚିତ୍କାର ଶୁଣି ଲୋକମାନେ ପହଂଚିବା ପରେ ହାତୀଟି  ପଳାଇଯାଇଥିଲା । ସ୍ଥାନୀୟ ଲୋକମାନେ ପ୍ରଥମେ  ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତି କରାଇଥିଲେ । ପରେ ତାଙ୍କ ଅବସ୍ଥା ଗୁରୁତର ଥିବାରୁ  ଭୁବନେଶ୍ୱରକୁ ସ୍ଥାନାନ୍ତରିତ କରାଯାଇଛି ।
ବେଗୁନିଆରୁ ଯୋଗେଶ୍ୱର ପଣ୍ଡା