ସତ୍ୟବାଦୀରେ କରୋନା ଯୋଗୁ ଫିକା ପଡିଲା ଶୀତଳ ଷଷ୍ଠୀ

ସାକ୍ଷୀଗୋପାଳ----  ସତ୍ୟବାଦୀର ପୁରପଲ୍ଲୀରେ ଥିବା ବିଭିନ୍ନ ଶୈବପୀଠ ଗୁଡିକରେ ଶୀତଳ ଷଷ୍ଠୀ ପର୍ବ କରୋନା ଯୋଗୁ ଫିକା ପଡି ଯାଇଛି । କେବଳ ଠାକୁରଙ୍କ ନୀତିକାନ୍ତି ନିଦ୍ଧିଷ୍ଟ ସେବାୟତ ମାନଙ୍କ ଦ୍ୱାରା କରାଯାଇଛି । ମନ୍ଦିର ଗୁଡିକ ଶୁନଶାନ ଥିଲା । ବିଳମ୍ବିତ ରାତିରେ ଶିବ, ପାର୍ବତୀଙ୍କର ଦେବ ନୀତିକାନ୍ତି ଅନୁଯାୟୀ ସ୍ରୋତିୟ ବାହ୍ମଣ ମାନଙ୍କ ଦ୍ୱାରା ବିବାହ ଉତ୍ସବ ଅନୁଷ୍ଠିତ ହୋଇଯାଇଛି । ବାଟବରଣ, ମଙ୍ଗଳାର୍ପଣ , ପଥମବରଣ, ଦ୍ୱତୀୟବରଣ, ମୁକୁଟ ଧାରଣ ବନ୍ଦାପନା ପରେ ନବ ଦମ୍ପତି ଙ୍କ ହାତଗଣ୍ଠି କାର୍ଯ୍ୟ ସମାପନ ହୋଇଥିଲା । ବିଭିନ୍ନ ମନ୍ଦିର ଗୁଡିକରେ ଶିବ ପାର୍ବତୀଙ୍କ ପ୍ରତିନିଧି ଭାବରେ ବିବାହା କାର୍ଯ୍ୟ ଶ୍ରଦ୍ଧାଳୁ ମହିଳା ପୁରୁଷ ମାନେ କରିଥିଲେ ।  ଅନ୍ୟ ପକ୍ଷେ ଶୀତଳଷଷ୍ଠୀ ଅବସରରେ ଠାକୁର ବାହା ହୋଇ ବରକନ୍ୟା ବିମାନରେ ବିଜେ କରି  ଦୁଆରିଭୋଗ ଖାଇ ନିଜ ମନ୍ଦିରକୁ ବିଜେ କରିଥିଲେ । କରୋନା ଯୋଗୁ ଲୋକମାନଙ୍କ ମନରେ ଯାତ୍ରା ପାଇଁ ସେପରି ଆଗ୍ରହ ନ ଥିବା ଜଣାପଡିଛି । ଅନୁରୂପ ଭାବେ ଡେଲାଙ୍ଗ ବ୍ଳକର ବିଭିନ୍ନ ଗ୍ରାମରେ ଥିବା ଶୈବପୀଠ ଗୁଡିକରେ ଶୀତଳଷଷ୍ଠୀ ପର୍ବ ପାଳିତ ହୋଇଯାଇଛି ।
 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି