ପାନୀୟ ଜଳ ପାଇଁ ବର୍ଷ ବର୍ଷ ଧରି ହନ୍ତସନ୍ତ ହେଉଛନ୍ତି ଗ୍ରାମବାସୀ
ପ୍ରଚଣ୍ଡ ରୈାଦ ତାପ ରେ ସୁଖିବାକୁ ବସିଲାଣି ପୋଖରୀ ନଈ,ନାଳର ପାଣି । ପିଇବା ପାଣି ପାଇଁ ଅ।ଉଟ ପାଉଟ ହେଉଛନ୍ତି ଲୋକେ । ମୁଣ୍ଡପଟା ଖରା ସାଙ୍ଗକୁ ପିଇବା ପାଣି ନ ମିଳିବା ଏବେ ଲୋକଙ୍କର ଚିନ୍ତା ଵଢାଇ ଦେଇଛି । ଫଳରେ ବଞ୍ଚିବା ପ।ଇଁ ଲୋକେ ପୋଖରୀ , ଗାଡିଅ। ଓ ନଦୀର ଦୁଷିତ ପାଣି କୁ ବ୍ୟବହାର କରୁଛନ୍ତି । ଏଭଳି ଦୃର୍ଶ୍ୟ ହେଉଛି ପୁରୀ ଜିଲ୍ଲା ଗୋପ ବ୍ଲକରେ । ବ୍ଲକର ଅଧିକାଂଶ ପଞ୍ଚାୟତରେ ବର୍ଷକ ବାର ମାସ ପାନୀୟ ଜଳ ସମସ୍ୟା ଥିଲେ ମଧ୍ୟ ପାଣି ସମସ୍ୟା ଦୂର ହୋଇପାରୁନାହିଁ । ଗ୍ରାମ ଗୁଡିକରେ ଥିବା ଅଧିକାଂଶ ନଳକୂପରୁ ସାଲାଇନ ପାଣି ବାହରୁଥିବାରୁ ଲୋକେ ବାଧ୍ୟ ହୋଇ ପୋଖରୀ ଓ ନଦୀର ପାଣିକୁ ପାନୀୟ ଜଳ ଭାବରେ ବ୍ୟବହାର କରୁଛନ୍ତି । ବିଶେଷକରି ଗୋପ ବ୍ଲକ ବନ୍ତଳିଗାଁ ଗ୍ରାମ ପଞ୍ଚାୟତ ସୁଜାନନଗର, ରାହାଙ୍ଗଗରଡା ପଞ୍ଚାୟତର ଖଣ୍ଡସାହି, ବରକୋର ପଞ୍ଚାୟତର ବିରବରପଦା, ପଟାଣାସାହି ରେ ପାନୀୟ ଜଳ ସମସ୍ୟା ଉତ୍କଟ ହେବାରେ ଲାଗିଛି । ଗ୍ରାମରେ ହଜାରେ ରୁ ଉର୍ଦ୍ଧ ଲୋକ ବସବାସ କରୁଥିବା ବେଳେ ପାନୀୟ ଜଳ ସମସ୍ୟା ସେମାନଙ୍କୁ ଅତିଷ୍ଠ କଲାଣି । ପାଖରେ ଯାଇଥିବା କୁଶଭଦ୍ରା ନଦୀର ପାଣି ସେମାନଙ୍କର ତୃଷା ମେଣ୍ଟାଉଛି । ସେପଟେ ବର୍ଷ ବର୍ଷ ଧରି ନଦୀର ଦୁଷିତ ଜଳ ପାନୀୟ ଜଳ ଭାବରେ ବ୍ୟବହାର କରୁଥିବାରୁ ବିଭିନ୍ନ ରୋଗର ଶିକାର ହେଉଥିବାର ଅଭିଯୋଗ କରିଛନ୍ତି ଗ୍ରାମବାସୀ । ତୁରନ୍ତ ପୁରୀ ଜିଲ୍ଲାପାଳ ନଜର ଦେବାକୁ ଜନସାଧାରଣଙ୍କ ପକ୍ଷରୁ ଦାବି ହେଉଛି ।
ପୁରୀ ରୁ ଜୟନ୍ତ କୁମାର ସେଠୀ
.jpg)
