ଭୋଗଡାରେ ବମ ପକାଇ ଲକ୍ଷାଧିକ ଟଙ୍କାର ସୁନା ଗହଣା ଲୁଟ,୫ ଆହତ

ବେଗୁନିଆ--- ବାଘମାରୀ ଥାନା  ପଙ୍ଗାରସିଂହ ପଞ୍ଚାୟତ ଅନ୍ତର୍ଗତ  ଭୋଗଡା ଗ୍ରାମର ଜଣେ ପୂର୍ବତନ ସରପଞ୍ଚଙ୍କ ଘରେ  ରାତି ଅଧରେ  ୧୦ ରୁ ୧୫ ଜଣ ଦୁବୁର୍ତ ମାରଣାସ୍ତ୍ରରେ ସଜ୍ଜିତ ହୋଇ ସିରିଏଲ ଭାବରେ ବୋମାମାଡ କରି ମାରଣାସ୍ତ୍ର ଦ୍ୱାରା ଘର ପରିବାରର ୩ ଜଣ ସଦସ୍ୟଙ୍କୁ ଆହତ କରି ଲକ୍ଷାଧିକ ଟଙ୍କାର  ସୁନାଗହଣା ଲୁଟ କରିବାରେ ସଫଳ ହୋଇଛନ୍ତି । ଡକାୟତଙ୍କ ବୋମାମାଡରେ ଗ୍ରାମବାସୀ ଦୁଇଜଣ ମଧ୍ୟ  ଆହତ ହୋଇଛନ୍ତି । ଆହତମାନେ ଭୁବନେଶ୍ୱରର ଏକ ଘରୋଇ ହସପିଟାଲରେ ଚିକିତ୍ସିତ ହେଉଛନ୍ତି । ବାଙ୍କୀ-ସିମୋର  ରାସ୍ତାର ଭୋଗଡା  ବାଲୁଙ୍କେଶ୍ୱର ଦେବ ମନ୍ଦିର ନିକଟରେ ସୁକାନ୍ତ ଜୟସିଂହଙ୍କ ଘରେ ସମସ୍ତେ ଶୋଇଥିବା ବେଳେ ଦୁବୁର୍ତମାନେ  ବିଭିନ୍ନ ମାରଣାସ୍ତ୍ର ଏବଂ ବୋମାଧରି ଘରର ପଛ କବାଟକୁ  ଶାବଳରେ ଭାଙ୍ଗି  ପଶିବାକୁ ଚେଷ୍ଟା କରିଥିଲେ । ଏଥିରେ ଶ୍ରୀ ଜୟସିଂହଙ୍କ ପରିବାର ସଦସ୍ୟ କବାଟ ଭାଙ୍ଗିବା ଶଦ୍ଦକୁ ଶୁଣି  ନିଜକୁ ରକ୍ଷା କରିବା ପାଇଁ  ଆପ୍ରାଣ ଉଦ୍ୟମ ଆରମ୍ଭ କରିଥିଲେ । ଏହି ସମୟରେ ଏକ ବୋମା ମାଡ କରିବାରୁ  ଶ୍ରୀ ଜୟସିଂହ  ଓ ତାଙ୍କ ପୁଅ ଆଘାତ ପାଇ ତଳେ ପଡିଯାଇଥିବା ବେଳେ  ଡକାୟତମାନେ ଏହାର ସୁଯୋଗ ନେଇ ଘର ଭିତରକୁ ପ୍ରବେଶ କରିଥିଲେ । ସୁକାନ୍ତ ଓ ସୌମ୍ୟଙ୍କୁ  ମାଡ ମାରିବା ପରେ  ଘର ଭିତରେ ପ୍ରବେଶ କରି  ସୁନା ଗହଣା ଓ ଟଙ୍କା ଲୁଟିବା ସମୟରେ ସୁକାନ୍ତ ପତ୍ନୀ  ଲାବଣ୍ୟ  ଭୟରେ  ଛାତ ଉପରକୁ ଯାଇ ଡେଇଁ  ପଡି ପଡିଶା ଘରେ ଜୀବନ ବିକଳରେ ପଶି ଯାଇଥିଲେ । ସ୍ଥାନୀୟ ଲୋକମାନେ ବୋମା ମାଡ ଓ ଚିତ୍କାର ଶୁଣି  ଉଠି ପଡି  ଘଟଣାସ୍ଥଳକୁ ଆସୁଥିବା ସମୟରେ ସେମାନଙ୍କ ଉପରକୁ ବୋମା ମାଡ କରିବା ଫଳରେ  ଗ୍ରାମର ନୀଳ ବଲିୟାରସିଂହ  ଓ ମେଳଛ ଦଳେଇ ଆହତ ହୋଇଥିଲେ ।  ବାଘମାରୀ ପୋଲିସକୁ ପାଟ୍ରୋଲିଙ୍ଗ  ଯାଇଥିବାରୁ  ଲୋକମାନେ ଫୋନରେ ଏହି ଘଟଣା ସମ୍ପର୍କରେ ଜଣାଇବାରୁ  ସେ ତୁରନ୍ତ ଆସି ଘଟଣା ସ୍ଥଳରେ ପହଞ୍ଚିଥିଲେ । ମାତ୍ର ଡକାୟତ ମାନେ  ସିରିଏଲ ଭାବରେ  ବୋମା ମାଡ କରିବା ଯୋଗୁ ପୋଲିସ ଭୟରେ ପଶିବାକୁ ସାହାସ ଜୁଟାଇ ପାରି ନଥିଲେ । ସୁକାନ୍ତ ଓ ସୌମ୍ୟଙ୍କୁ  ଭୁବନେଶ୍ୱର ସ୍ଥିତ  କ୍ୟାପିଟାଲ ମେଡିକାଲ ଓ ଲାବଣ୍ୟଙ୍କୁ  ଏକ ଘରୋଇ ମେଡିକାଲରେ ଚିକିତ୍ସା ପାଇଁ ଭର୍ତି ହୋଇଛନ୍ତି ।ବାଘମାରୀ  ଥାନା ଅଧିକାରୀ  ପ୍ରଣିତା ପଟ୍ଟନାୟକ ,ସାଂଇଟିଫିକ ଟିମ ଓ ସନ୍ଧାନୀ କୁକୁର  ପହଂଚି ଘଟଣାର ତଦନ୍ତ କରୁଥିବା ସମୟରେ ଆଇଜି  ଆଶିଷ ସିଂହ,ଏସପି ଅଜୟ ପ୍ରତାପ ସ୍ୱାଇଁ ,କଟକ,ନୟାଗଡ ଏସପି ପ୍ରମୁଖ ପହଞ୍ଚି  ଘଟଣାସ୍ଥଳ ପରିଦର୍ଶନ କରିଛନ୍ତି । ଘଟଣା ସ୍ଥଳରେ ବର୍ତମାନ ସୁଦ୍ଧା  ପୋଲିସ ଫୋର୍ସ ମୃତୟନ ଅଛନ୍ତି । ଏ ନେଇ  ସୌମ୍ୟ ରଞନ  ବାଘମାରୀ ଥାନାରେ  ୧୦ ରୁ ୧୨ ଭରି ଓଜନର ସୁନା ଗହଣା ନେଇଯାଇଛନ୍ତି ବୋଲି ପୋଲିସ ପାଖରେ ଅଭିଯୋଗ କରିଛନ୍ତି । ସୂଚନା ଥାଉକି ପୂର୍ବରୁ ଗତ ଏପ୍ରିଲ ମାସ ୨୯ ତାରିଖ ଦିନ ଦିନିଆରୀ ଗ୍ରାମରେ  ଯୋଗିନାଥ ବଳିୟାରସିଂହଙ୍କ ଘରେ ବୋମା ମାଡ କରି  ସୁନା ଗହଣା ଲୁଟି ନେବା ସହ  ଯୋଗିନାଥଙ୍କୁ ଆହତ କରିଦେଇଥିଲେ ।  ପରେ ମେ ମାସ ୧୪ ତାରିଖରେ  ସିମୋର ପଞ୍ଚାୟତର ସିମୋର ପାଟଣା ଗ୍ରାମର ବଳଭଦ୍ର ମାଝୀଙ୍କ ଘରୁ  ସୁନା ଗହଣା ଓ ଟଙ୍କା ଲୁଟ ହୋଇଥିଲେ ମଧ୍ୟ ଆଜିଯାଏଁ ପୋଲିସ ଡକାୟତି କରୁଥିବା ବ୍ୟକ୍ତିଙ୍କୁ ଧରିବାରେ ସଫଳ ହୋଇପାରିନାହିଁ  ବୋଲି ଜଣା ପଡିଛି ।
 ବେଗୁନିଆରୁ ଯୋଗେଶ୍ୱର ପଣ୍ଡା