ବେଗୁନିଆରେ ଗୋ ଚାଲାଣରେ ସମ୍ପୁକ୍ତ ଅଧିକାରୀଙ୍କ ବିରୁଧରେ ଦୃଢ଼ କାର୍ଯ୍ୟନୁଷ୍ଠାନ ପାଇଁ ଦାବି ପତ୍ର

ବେଗୁନିଆ--- ବେଗୁନିଆ ଥାନା ଅନ୍ତର୍ଗତ କଡବ ଗ୍ରାମର ଆଦିବାସୀ ସାହିରେ  ଗତ ଅପ୍ରେଲ ମାସ  ୧୪ ତାରିଖ ଦିନ  ଗୋ ଚାଲାଣ କାରୀମାନେ  ୫୦  ଗୋଟି ଗୋରୁ ବାନ୍ଧି ରଖିଥିବା ବେଳେ ଲକଡାଉନ  ଚାଲିଥିବାରୁ  ଚାଲାଣ କରିବା ସମ୍ଭବ ପର ହୋଇପାରି ନଥିଲା ।   ଖବର ପାଇ ଖୋର୍ଦ୍ଧା ଜିଲ୍ଲା ଏସଡିପିଓ,ବେଗୁନିଆ ଥାନା ଅଧିକାରୀ,ବେଗୁନିଆ ଓ ବୋଲଗଡ ତହସିଲଦାର,  ପୋଲିସ ସେଠାରେ ପହଞ୍ଚି  ବନ୍ଧା ହୋଇଥିବା ଗୋରୁ ଗୁଡିକୁ ଉଦ୍ଧାର କରିଥିଲେ । ଗୋରୁ ଗୁଡିକର ଦାବୀଦାର କେହି ନଥିବାରୁ   ତାକୁ  ପ୍ରଶାସନ ଆଣି  ରାଧାକାନ୍ତପୁର ପଞ୍ଚାୟତର ଗଡତରା ଛକଠାରେ  ପଦାରେ ଛାଡି ଦେଇଥିଲା ।  ଗୋ ଚାଲାଣକାରୀ ମାନେ କିଛି ଗୋରୁ  ନେଇ ଯାଇଥିବା ସମୟରେ  ଆଉ କିଛି ଗୋରୁ  ପଦାରେ ଏଣେତେଣେ ବୁଲିଥିଲେ । ୮ଟି  ଗୋଟି ଗୋରୁଙ୍କୁ  ବେଗୁନିଆ ତଳସାହିର ୟୁଥ କ୍ଲବର ସଭାପତି  ସୁକାନ୍ତ ପରିଡା ଓ  କ୍ଲବର ସଦସ୍ୟମାନେ  ଗୋରୁ ଗୁଡିକୁ ଖାଇବା ଓ ପିଇବା ପାଇଁ ଦେଇ ରଖିଥିଲେ । ଗତ  ଅପ୍ରେଲ ମାସ ୧୭ ତାରିଖ ରାତିରେ ବେଗୁନିଆ ଥାନାରେ କାର୍ଯ୍ୟରତ କନେଷ୍ଟବଳ ସୁଶାନ୍ତ ସାହୁଙ୍କ ସମେତ  ୫ ଜଣ ଆସି   ବିଭିନ୍ନ  ପ୍ରକାର ଧମକଚମକ ଦେଇ  ବେଗୁନିଆ ଥାନା ଅଧିକାରୀ ରଶ୍ମି ରଞନ ସାହୁଙ୍କ ନାମ କହି  ୩ ଗୋଟି ଗୋରୁ ନେଇଥିଲେ । ପରେ ସୁକାନ୍ତ ପରିଡା  ୫ ଗୋଟି ଗୋରୁକୁ ଗୋଶାଳାରେ  ଛାଡି ଦେବା ପାଇଁ   ପୋଲିସ ପାଖରେ ଜିମା ଦେଇଥିଲେ । ଏହି ୫ ଗୋଟି  ଗୋରୁକୁ ଭୁବନେଶ୍ୱରସ୍ଥିତ ସିଜୁଆ  ଗୋଶାଳାରେ ଛାଡିବାକୁ ଯାଇଥିବା ବେଳେ ବାଟରେ  ୨ ଗୋଟି ଗୋରୁ ଉଭାନ ହୋଇଯାଇଥିଲେ । ଗୋରୁ ଉଭାନ ସମ୍ପର୍କରେ  ବିଭିନ୍ନ ଗଣମାଧ୍ୟମରେ ପ୍ରକାଶ ପରେ ପୋଲିସ ନିଜ ଦୋଷ ଦୁର୍ବଳତାକୁ ଲୁଚାଇବାକୁ ଯାଇ  ଶ୍ରୀ ପରିଡାଙ୍କୁ ଥାନା ଅଧିକାରୀ ମାନସିକ ଚାପ ଦେବା  ସହ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ଘଟଣାର  ସମାଧାନ କରିବାକୁ  ଚେଷ୍ଟା କରିଥିଲେ । ପରେ ଖୋର୍ଦ୍ଧା ଜିଲ୍ଲା  ଏସପି ଅଜୟ ପ୍ରତାପ ସ୍ୱାଇଁଙ୍କ   ନିର୍ଦ୍ଦେଶରେ ଅତିରିକ୍ତ ଏସପି ଓ ଏସଡିପିଓ  ଘଟଣାର ଖୋଳତାଡ କରିବା ପରେ କନେଷ୍ଟବଳ ସୁଶାନ୍ତ ସାହୁଙ୍କୁ  ସସପେଣ୍ଡ  କରାଯାଇଥିଲା । ପରେ ଚାଲାଣରେ ସହଯୋଗ କରୁଥିବା ୪ ଜଣ ଅଭିଯୁକ୍ତଙ୍କୁ  ଗିରଫ କରିଥିବା  ବେଳେ  ବଡବଡିଆ  ଗୋଚାଲାଣ କାରୀ ଓ ଏଥିରେ ବଡବଡିଆ  ଅଧିକାରୀଙ୍କ ବିରୁଦ୍ଧରେ କେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ ସଚେତନ ନାଗରିକ ,ବୁଦ୍ଧିଜୀବୀ ଓ ଜନସାଧାରଣମାନେ  ଚାହିଁ ବସିଛନ୍ତି । ଏ  ନେଇ  ଗୋଚାଲାଣରେ  ବେଗୁନିଆ ଥାନା ଅଧିକାରୀ ରଶ୍ମି ରଞନ ସାହୁଙ୍କ  ସଂପୃକ୍ତିକୁ ନେଇ ଖୋର୍ଦ୍ଧା ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ  ଆଗରେ ୟୁଥ କ୍ଲବର ସଭାପତି  ସୁକାନ୍ତ କୁମାର ପରିଡା  ଓ ଅକ୍ଷୟ କୁମାର ରଥ  ସାତଦିନ ମଧ୍ୟରେ ଆମରଣ ଅନଶନରେ ବସିବା ପାଇଁ   ୨୬ ତାରିଖରେ ଏକ ଲିଖିତ ପତ୍ର ମାଧ୍ୟମରେ ଜଣାଇଛନ୍ତି । ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ୪ ଦଫା  ସମ୍ବଳିତ  ଦାବିପତ୍ର ପ୍ରଦାନ କରିଛନ୍ତି ।
 ବେକୁନିଆରୁ ଯୋଗେଶ୍ୱର ପଣ୍ଡ