ବଲାଙ୍ଗିର--- ବଲାଙ୍ଗିର ଜିଲ୍ଲା ସଇଁନ୍ତଳା ବ୍ଳକ ଫପସି ନାରୀକଟା ଡୁଙ୍ଗୁରି ଠାରେ ଗଣ୍ଡପତ୍ରାପାଳି,ଧରଵଗଡ଼ଓ କୁଇକେଡ଼ା ଗ୍ରାମପଞ୍ଚାୟତର ମିଳିତ ଆନୁକୂଲ୍ୟରେ ଗିରି ଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ଆରମ୍ଭରେ ପ୍ରଥମେ ଯାଦବ ମାନଙ୍କ ଦ୍ୱାରା ପାହାଡ଼ର ପୂଜା କରାଯାଇଥିଲା ଓ ପରେ ମା ଚଣ୍ଡୀଙ୍କୁ ପୂଜା କରାଯାଇଥିଲା। କାର୍ଯ୍ୟକ୍ରମ ରେ ଯାଦବ ମାନଙ୍କ ବାଡ଼ି ଖେଳ ହେବା ସହ ୧୬ ପ୍ରହରୀ ମଧ୍ୟ ଅନୁଷ୍ଠିତ କରାଯାଇଥିଲା। କାର୍ଯ୍ୟକ୍ରମ ଦେଖିବା ପାଇଁ ବହୁ ସଂଖ୍ୟାରେ ପାଖ ଆଖ ଅଞ୍ଚଳରୁ ଲୋକମାନେ ପାହାଡ଼ କୁ ପୂଜା କରିବା ସହ ମେଳାର ମଜା ନେବା ପାଇଁ ଆସିଥିଲେ। ଗିରି ଗୋବର୍ଦ୍ଧନ ପୂଜା କମିଟିର ସଭାପତି କ୍ଷୀରସିନ୍ଧୁ ବଗର୍ତିଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ସଇଁତଳା ବ୍ଲକ ଉପାଧ୍ୟକ୍ଷ ଗୁଣସାଗାର ମାଝୀ,ଡେଙ୍ଗ ପଞ୍ଚାୟତ ସମିତି ସଭ୍ୟ ସିମ୍ରନ ସିଂ ଭୋଇ କଂଗ୍ରେସର ଯୁବ ନେତା ଶୁଭେନ ସିଂ ଭୋଇ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । କମିଟିର ଉପସଭାପତି ହରେକୃଷ୍ଣ ବଗର୍ତ୍ତ ସମେତ କମିଟିର ସମସ୍ତ କାର୍ଯ୍ୟକର୍ତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ବଲାଙ୍ଗିର ରୁ ରଞ୍ଜନ କୁମାର ବାଗ ଙ୍କ ରିପୋର୍ଟ,୨୭/୧୦/୨୦୨୨----୯,୦୦ Sakhigopal News,27/10/2022
