ନୟାଗଡ----ଦଶପଲ୍ଲା ବ୍ଲକ ବରପଲି ଗ୍ରାମରେ ବହୁ ଧୁମ୍ ଧାମ ରେ କାଳୀ ପୂଜା ଅନୁଷ୍ଠିତ ହୋଇଯାଇଛି । ଏହି ଗ୍ରାମରେ ଥିବା ଦକ୍ଷିଣ କାଳୀ ଙ୍କ ପୀଠରେ ପୂଜା ଅନୁଷ୍ଠିତ ହୋଇଥିଲା। ମା' ଦକ୍ଷିଣ କାଳୀଙ୍କ ପୂଜା ପାଇଁ ଅଧିବାସ,କଳସ ଶୋଭାଯାତ୍ରା ସହ ସନ୍ଧ୍ୟାରୁ ଭୋର୍ ପର୍ଯ୍ୟନ୍ତ ଘୃତଯଜ୍ଞ ଅନୁଷ୍ଠିତ ହୋଇଥିଲା । ଦିନ ରାତି ଖଣ୍ଡପଡ଼ା ରୁ ଆସିଥିବା ରଘୁନାଥ ଜୀଉ ବାଳିକା ନାଟ୍ୟ ସଂସଦ ଦ୍ଵାରା ରାମ ନାଟକ ଲବକୁଶ ଜନ୍ମ ନାଟକ ମଞ୍ଚସ୍ଥ ହୋଇଥିଲା । ଏହା ଦେଖିବାକୁ ଦଶପଲ୍ଲା ର ବିଭିନ୍ନ ପ୍ରାନ୍ତରୁ ଜନସାଧାରଣ ଯୋଗ ଦେଇଥିଲେ । ଏହି ଉତ୍ସବ ରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗ ଦେଇଥିଲେ । ମା ଦକ୍ଷିଣ କାଳୀ ଙ୍କ ପୂଜକ ଙ୍କ କହିବା ଅନୁଯାୟୀ ଦୀର୍ଘ ୧୫ ବର୍ଷ ଧରି ମା ଦକ୍ଷିଣ କାଳୀଙ୍କ ପୂଜା ପର୍ବ ପାଳନ କରାଯାଇ ଆସୁଥିବା ବେଳେ ପ୍ରତ୍ୟେକ ବର୍ଷ ଗ୍ରାମବାସୀ ଭକ୍ତ ଙ୍କ ସହଯୋଗ ରେ ଏହା ଶୃଙ୍ଖଳା ର ସହ ସମାପନ କରାଯାଉଛି । ବିଶେଷ ଭାବେ ଦଶପଲ୍ଲାରେ ଏହି କାଳୀପୂଜା ଅନ୍ୟ କୌଣସି ସ୍ଥାନରେ ଦେଖିବାକୁ ମିଳୁ ନଥିବା ବେଳେ ଏଠାରେ କାଳୀ ପୂଜା ଧୁମ୍ ଧାମ ରେ ପାଳିତ ହେଉଛି । ନୟାଗଡରୁ ନିରଞ୍ଜନ ଦାସଙ୍କ ରିପୋର୍ଟ,୨୬/୧୦/୨୦୨୨----୯,୫୫ Sakhigopal News,26/10/2022
