ବରଗଡ଼-- ବରଗଡ ଜିଲ୍ଲା ଭେଡେନ ବ୍ଲକ ସରକାରୀ ରେମଣ୍ଡା ଉଚ୍ଚ ବିଦ୍ୟାଳୟ ଖେଳପଡିଆ ଠାରେ ଚାଲିଥିବା ରେମଣ୍ଡା ଫୁଟବଲ ମହୋତ୍ସବ ୨୦୨୨ ଆଜାଦୀ କପ ର ଦ୍ଵିତୀୟ ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି। ବହଲପାଲି ଓ ଚିଚିଂଡା ଏକାଦଶ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ଏଥିରେ ବହଲପାଲି ଏକାଦଶ ୨/୦ ଗୋଲ ରେ ବିଜୟୀ ହୋଇ ଫାଇନାଲ୍ ମ୍ୟାଚ ଖେଳିବାକୁ ସକ୍ଷମ ହୋଇଛନ୍ତି। ମୁଖ୍ୟଅତିଥି ଭାବେ ପ୍ରମେୟ ଖବରକାଗଜ ର ପଶ୍ଚିମ ଓଡିଶା ସଂସ୍କରଣ ସମ୍ବଲପୁର ର ମୁଖ୍ୟ ଶ୍ଵେତ କୁମାର ପ୍ରଧାନ ଓ ସମ୍ମାନୀତ ଅତିଥି ଭାବେ ଭେଡେନ ବ୍ଲକ ପୂର୍ବତନ ଅଧ୍ୟକ୍ଷା ଶ୍ରୀମତୀ ସୁଜାତା ପ୍ରଧାନ, ପୂର୍ବତନ ବରଗଡ କୋଅପରେଟିଭ ବ୍ଯାଙ୍କ ନିର୍ଦ୍ଦେଶକ ସମୀର ସିଂ, ଥୁଆପାଲି ଝରାପାଲି ମାର୍କେଟ ଲାୟନ୍ସ କ୍ଲବର ଉପଦେଷ୍ଟା ଅମିୟ କୁମାର ମେହେର ଯୋଗ ଦେଇଥିଲେ। ପ୍ରଥମେ ଅତିଥି ମାନେ ପ୍ରଦୀପ ପ୍ରଜ୍ବଳନ କରି ମା ସମଲେଶ୍ଵରୀ ଦେବୀଙ୍କ ଫଟୋ ରେ ପୁଷ୍ପମାଲ୍ଯ ଅର୍ପଣ କରିଥିଲେ। ସେମିଫାଇନାଲ ମ୍ୟାଚ ରେ ରେଫରୀ ଭାବେ ଖେଳ ପରିଚାଳନା କରିଥିଲେ ଶିବାନନ୍ଦ ଦାଶ, ପଞ୍ଚା ପାତ୍ର ଓ ଅଶ୍ଵିନି ମେହେର। ଖେଳ ପରିଚାଳନାରେ ସହଯୋଗ କରିଥିଲେ ଶିବ ପ୍ରସାଦ ଖମାରୀ, ଗୋପଲ ସେଟ, ରାଧାକାନ୍ତ ଭୋଇ, ରାଜକିଶୋର ସାହୁ, ଗଙ୍ଗାଧର ମେହେର, ସରୋଜ ଖମାରି, ସୁଶାନ୍ତ ସାହୁ, ଯୋଗେଶ୍ଵର ସାହୁ, ଉମାକାନ୍ତ ହଟେଇ, ହରମୋହନ ସେଠ ପ୍ରମୁଖ ।ପ୍ରାଥମିକ ଚିକିତ୍ସା ଓ ଜଳ ଯୋଗାଣ କ୍ଷେତ୍ରରେ ଅକ୍ଷୟ ସାହୁ, ସୁଦାମ ପାତ୍ର, ଶ୍ଯାମଚାନ୍ଦ ସାଥୁଆ, ସନାତନ ପାଇକ, ଜଗନ୍ନାଥ ଦାଶ ଓ ଅନ୍ୟାନ୍ୟ ପ୍ରମୁଖ ସହଯୋଗୀ ସଦସ୍ୟ। ଧାରାବିବରଣୀ ଦେଇଥିଲେ ଅବସରପ୍ରାପ୍ତ କ୍ରୀଡା ଶିକ୍ଷକ ପର୍ଶୁରାମ ପାତ୍ର ଓ ସଞ୍ଜୟ ନନ୍ଦ । ଆସନ୍ତା ୨୩ତାରିଖ ଦିନ ରେମଣ୍ଡା ଫୁଟବଲ ମହୋତ୍ସବ ର ଆଜାଦୀ କପ ର ଫାଇନାଲ ମ୍ୟାଚ ବହଲପାଲି ଓ ଜାମଡୋଲ ଏକାଦଶ ମଧ୍ୟରେ ଅନୁଷ୍ଠିତ ହେବ। ରେମଣ୍ଡା ଫୁଟବଲ ମହୋତ୍ସବ ଆୟୋଜକ ଚିରସବୁଜ ସାଂସ୍କୃତିକ ସଂସଦ ଓ ଏଥେଲେଟିକ ଏସୋସିଏସନ ସମସ୍ତ ସଦସ୍ୟ ଉପସ୍ଥିତ ରହି ସକ୍ରିୟ ଭାବେ ଅଂଶଗ୍ରହଣ କରିଥିଲେ ।
ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୨୧/୧୦/୨୦୨୨---୮,୪୦ Sakhigopal News,21/10/2022
