ଯୁବକଙ୍କ ର ଅକାଳ ମୃତ୍ୟୁ , ଗ୍ରାମ ରେ ଶୋକାକୁଳ

ବରଗଡ଼ --- ବରଗଡ ଜିଲ୍ଲା ଭେଡେନ ବ୍ଲକ ସଂକ୍ରିଡା ପଞ୍ଚାୟତ ର ସଂକ୍ରିଡା ଗ୍ରାମର ଉତ୍ତମରାଜ ପୁରୋହିତଙ୍କ ବଡ ପୁଅ ସୃଜନ ସମ୍ବିତ ପୁରୋହିତ ବୟସ ୨୮ । ବାଲୁଗାଁ ସ୍ଥିତ ଆଇସିଆଇସିଆଇ ବ୍ଯାଙ୍କ ରେ ଆସିଷ୍ଟାଣ୍ଟ ଶାଖା ପରିଚାଳକ ଭାବରେ କାର୍ଯ୍ୟରତ ଥିଲେ । ବାଲୁଗାଁ ସ୍ଥିତ ଭଡା ଘରେ ରବିବାର ରାତିରେ ତାଙ୍କର ଦେହାନ୍ତ ହୋଇଥିଲା । ସୋମବାର ଦିନ ବ୍ଯାଙ୍କ ନ ଆସିବାରୁ ବ୍ଯାଙ୍କ କର୍ମଚାରୀ ତାଙ୍କ ଭଡ଼ା ଘର କୁ ଯାଇଥିଲେ । ତାଙ୍କୁ ଡାକିବାରୁ ସେ ଶୁଣି ନଥିଲେ । ପରେ ପୋଲିସ ଆସି ଡାକ୍ତରଖାନା କୁ ଆଣିଥିଲେ ଡାକ୍ତର ମୃତ ଘୋଷଣା କରିଥିଲେ। ବାଲୁଗାଁ ପୋଲିସ ଅପମୃତ୍ୟୁ କେସ ରୁଜୁ କରି ଶବ ବ୍ୟବଚ୍ଛେଦ ପଠାଇ ତଦନ୍ତ କରୁଛନ୍ତି। ପରେ ସଂକ୍ରିଡା ଗ୍ରାମ କୁ ଖବର ଦେଇଥିଲେ । ଏଠାରୁ ଆତ୍ମିୟ, ସ୍ଵଜନଙ୍କୁ ପୋଲିସ ପକ୍ଷରୁ ଶବକୁ ହସ୍ତାନ୍ତର କରିଥିଲେ। ଏହି ଦୁଃଖଦ ଘଟଣା ଜଣାପଡିବା ପରେ ସମଗ୍ର ଅଂଚଳରେ ଶୋକର ଛାୟା ଖେଳିଯାଇଛି। ମୃତ ଶରୀର ଦର୍ଶନ ପାଇଁ ବହୁ ସଂଖ୍ୟାରେ ଆତ୍ମିୟ, ବଂଧୁ ପରିଜନ, ସଂକ୍ରିଡା ଗ୍ରାମର ସମସ୍ତ ମହିଳା, ପୁରୁଷ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ ଥିଲେ। ମୃତ ଶରୀର ପହଞ୍ଚିବା ପରେ ଗ୍ରାମରେ ଏକ ଶୋକାକୂଳ ପରିବେଶ ସୃଷ୍ଟି ହୋଇଥିଲା। ସମସ୍ତ ଆଖିରେ ଦୁଃଖ ଅଶ୍ରୁ ଆପେ ଅପେ ନିର୍ଗତ ହେବାର ଦେଖାଯାଇଥିଲା। ତାଙ୍କର ଶେଷ ଦର୍ଶନ କରିବା ପାଇଁ ବହୁ ଦୂରଦୂରାନ୍ତରୁ ଆତ୍ମିୟ ସ୍ୱଜନ, ବହୁ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ ଥିଲେ। ପରେ ଶବାଧାରରେ ସାମିଲ ହୋଇ ସଂକ୍ରିଡା ସ୍ଵର୍ଗଦ୍ଵାର ଠାରେ ଅନ୍ତିମ ସତ୍କାର କରାଯାଇଥିଲା। ଶେଷରେ ସ୍ଵର୍ଗତ ପୁରୋହିତ ଙ୍କ ସାନଭାଇ ଶୁଭେନ୍ଦୁ ଶେଖର ପୁରୋହିତ ମୁଖାଗ୍ନି ଦେଇଥିଲେ। ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୫/୧୧/୨୦୨୪----୯,୧୦ Sakhigopal News,5/11/2024